10‏/03‏/2009

قهوة باللبن


فنجان من القهوة ممزوج باللبن ومحلى بالسكر ومعه قطع من الحلوى الفاخرة
ماكنت تستطيع ان تفصلهم امتزجوا وتداخل كل منهم فى الاخر تراقصت مرارة البن مع السكر
هدوء اللبن احتوى صخبهم وظل الفنجان لسنوات وسنوات تبخر خلالها اللبن
وضاع طعم السكر وبقيت مرارة البن
افترقوا
واصبحت وحدى
سنوات وسنوات
اعتدت مذاق القهوة السوداء
اعتدت رائحه البن المر
وبعد سنوات
شممت من جديد رائحه السكر
واحسست بطعم اللبن
ترى
ايعود من جديد فنجان القهوة المحلاة باللبن

هناك 4 تعليقات:

  1. برغم اعتراضى علي تعبير تبخر اللبن
    لإن اللبن لا يتبخر ولكن يتخثر او يبوظ من الركنة
    و مش عارفة حكاية ضاع طعم السكر دة مع طول الفترة
    لإن السكر و الملح من الحاجات اللي بتحفظ النكهة و بتحفظ المادة من البوظان

    و لنفرض يعني انو حصل و انفصلوا برغم صعوبة انفصال هذة الاشياء من بعض
    لإن فيه بعض التفاعلات لا يمكن فصلها

    بس لو فرضنا ذلك

    مين عارف
    اية اللي يمنع
    مادام زمان عملوا احلا كوباية قهوة باللبن
    لية نمنع نفسنا من اننا نعمل كوباية قهوة باللبن تانية و نستمتع بيها

    كان فيه دكتور قاللنا
    لو واحد صاحبك عشرة 30 سنة
    و جة في مرة عمل معاك موقف بشع جداً
    هل هقاطعة؟؟؟
    هتجيبي منين كمان 30 سنة عشان تكوني صحوبية تانية كدة
    الشيء بالشيء يذكر

    لو كان كوباية القهوة باللبن جميلة كدة

    اية يخلينا منحاولش نعملها تاني

    جربي مش هتخسري حاجة
    و ربنا يجمعكوا ببعض تاني

    آمين

    سلام عليكِ

    ردحذف
  2. هههههههههههههههههه
    صديقتى الجميله جدا نعكشه
    ياستى اعتبريها جنونه مش خاضعه لقواعد كيميا
    هاجرب اعملها تانى
    وبجد بكون سعية جدا بتعليقاتك وكان نفسى اكتبلك كومنت عندك لانك خطفتينى
    بس انتى قافله الكومنت

    ردحذف
  3. مها ..

    انا لسه من ساعة بس كنت بتسأل ليه دايما بتشربى القهوة باللبن و مستمتعة كده بالبن ..
    انا بحب القهوة مظبوطة عادى من غير لبن .. بس فى موود كده بتحبى تشربيها باللبن ..

    مها انا مش عارفة اقول حاجة على فكرة :))

    بقيت بحس انك بتراقبينى ولا حاجة :)))

    ياما نفسى اشرب فنجان قهوة باللبن معاكى :)))

    ردحذف
  4. وانا كمان بجد ياعلا نفسى اشرب فنجان قهوة باللبن معاكى
    اكيد هايكون ليه طعم تالت

    ردحذف