يمكن اكون حكايه لسه بتدور على النهايه ويمكن اكون السؤال اللى مستنى الجواب يمكن اكون الغربه والاغتراب بس الاكيد ان انت الاجابه وانت الوطن

مضى وقت طويل وكل الاصوات خافته تكاد تتلاشى تماما لم اعد استمع لها ,لم تعد تهمس فى أذنى لتطمئننى او حتى لتجعلنى ازداد قلقا عليها ,كدت اشعر بأن الخيوط تمزقت وأن الارواح قد فقدت اتصالها وتاهت فى الفراغ الذى اصبح مابيننا .
لبعض الوقت فقدت يقينى ولكن هاهو ذاك الاحساس يراودنى من جديد ,انه الصوت الونيس قد عاد وأن كان مازال مجرد همس الا انه يقين

البعض يقول بأن تلك التى يطلقون عليها الحاسه السادسه ماهى الا اكذوبه صنعناها لنحتمى بوهمها من حقائق مؤكده ولكن فى لحظات بعينها تتحول ارواحنا لاجهزة ارسال واستقبال منا للاخر ولكن ليس اى أخر فهناك شفرات معينه هى التى تسمح باستقبال الرسائل اتبع حدثك. اتبع قلبك فهو الذى سيخبرك اين اليقين

البيوت مش طوب وخشب ,البيوت زى الناس , بيوت تحس انها عارفاك من زمان لما تقرب منها تضحكلك وتاخدك بالحضن ,بيوت بتحبك وتناديك مهما بعدت عنها ,بيوت كل حاجه فيها ليها طعم تانى ماتحسش فيها بغربه ولا تضيع جواها ,بيوت حقيقيه ليها روح وملامح مش مجرد اسمنت ومكان

الخوف لعنه ممكن تدمر كل حاجه حلوة فى حياتك ,اكسر خوفك ,اتحداه ,الاستسلام للخوف والهروب من المواجهه ممكن يضيع منك ايام كتير مش هتعرف تعوضها ,اكسر قيودك وحرر نفسك منها اخرج من الشرنقه واتحرر لازم تقدر عشان تكمل الطريق اهزم نفسك جواك وانتصر عليها عشان تكون انت من تانى اكيد وحشك وجودك وكيانك ,هتلاقيه لما تدور عليه جواك وتخرجه للنور من تانى