ولا بيوصل............. ولا بيتوة
ولا بيرجع............ ولا بيغيب
الغربه بتكون قدر والرحيل مصير
منين............. لفين
ومن بحر............ لبر
فى لحظه بتلاقى ان حياتك مطار كبير
لا بتوصل لمكان
ولا عارف ليك مكان
مجرد مسافر شايل ذكرياته وحياته فى شنطة سفر
بتكتشف انك مجرد غريب فى كل مكان وبين كل الناس
غريب عن القريب
وغريب عن الأغراب
ضحكك غير ضحكهم وحزنك غير حزنهم
بينك وبينهم مسافه وانت معاهم
تفضل تدور على نفسك فى كل الوجوة وكل الملامح وكل الأماكن
يمكن تكون نسيت جزء منك فيها
او تلاقى الجزء المفقود منك جواها
ويفضل سؤالك متعلق
امتى الرجوع ؟؟؟
ولفين الرجوع ؟؟
ليست هناك تعليقات:
إرسال تعليق