10‏/05‏/2009

انين الصمت

عندما يشتاق الصمت الكلمات وتشتاق الكلمات لمن يسمعها وتشتاق الحروف لمن يرتبها
عندما تشتاق الكلمات صاحبها وتقف حائرة فوق الشفاه لتفتش عن من يفك أسرها ويحررها...من يناديها ويفهم رسائلها
كيف لمن تعلم الكلام أن يصمت من جديد..صمتت كل الكلمات في انتظار من يفهمها 
وتبعثرت الحروف في انتظار من يلملمها ولم يتبقى إلا بقايا من كل شيء وانين الصمت يحاوطهم

هناك 20 تعليقًا:

  1. Hana Arabi هناء عربي at 1:32am May 10
    ايوة يا مها بجد هو دا احساسي انا لسه كاتبه تقريبا نفس المعني استيتيوز
    بس بجد كلامك راااائع
    سلمت حروفك

    ردحذف
  2. Mohammad Hwehy at 9:02am May 10
    طيب بما انك فتحت علي نفسك فتوحه بقي انت حره
    اصل عدم الامؤخذه الانسان في علاقته مع الصمت ده انواع

    نوع بيصمت لانه خلاص .. الصمت بقي ابلغ من الكلام
    ... Read More
    ونوع بيضطر يسكت .. لان الكلام بيعمله مصايب

    ونوع سكت .. لانه مش عارف يقول ايه

    ونوع .. الصمت اصلا طبعهه م الكلام

    وانواع كتير تانيه فيها اللي بيسكت ويبقي فرحان لان السكات حل له جزء من مشاكله وفيها اللي تعبان لان السكات بيزود له همه

    انما اهم نوع فيهم

    اللي بيسكت بعد ما بيتاكد ان فيه اللي بيسمع صمته ويفهمه
    اسكتي بقي

    ردحذف
  3. Maha Abbasi at 9:08am May 10
    مش احنا اللى بنقول الكلام الكلام بيختار يتقال لمين
    ولما الكلام بيختار حد يتقاله فبيكون الانسان دة سامعنا من غير مانتكلم
    فاهم صمتنا
    عارف ازاى يرتب الحروف المبعثرة ويطلع منها كلمات يرتبها ويعمل منها جمله مفيدة
    ومعاه بيكون للصمت صوت لان مابيكونش فى صمت... Read More
    عشان كدة بيشتاقه الصمت
    وتفتقدة الكلمات

    ردحذف
  4. Mohammad Hwehy at 9:16am May 10
    ولما بتصل العلاقه بينا وبين الانسان ده للدريجه دي .. فهو بيقدر يسمع الصمت ويفهمه بالظبط زي ما بيقدر يرتب الحروف الملخبطه ويفهمها ويطلع منها الكلام المفهوم .. قادر يفهم الصمت ده معناه ايه والكلام اللي بيتقال في الصمت ده ليه
    مش كده

    ردحذف
  5. Noha Kamal Aly at 9:22am May 10
    استنى ياد لما نكلم صاحبة النوت عيب كده:)
    بصى يامها .. الصمت عمره مايبقى له أنين
    ده الصمت ده صايع جدا أصلا وواخد الحاجات الحلوة اللى فى الصوت وسايب للصوت الأنين والزن والحاجات التانية دى
    وبعدين هأرد عليكى بجملة واحدة
    you say it best when you say nothing at all... Read More
    يبقى إخرسى أنتى كمان يامها مع الواد العسول أبو عقل مهوى ده
    :P

    ردحذف
  6. Maha Abbasi at 9:32am May 10
    نهى على فكرة الصمت دى اقوى لغه ممكن نعبر بيها وانا بعتبر انه لغه الصداقه الحقيقيه

    ردحذف
  7. Noha Kamal Aly at 9:37am May 10
    لا ياشيخة؟؟.. بقى الصمت ده أقوى لغة؟؟
    ياراجل؟؟.. الختم فى الدرج؟؟.. والله ماكنت أعرف إن الختم فى الدرج؟؟
    :P
    لووووووووول
    أومال يابنتى أنا بقول إيه من الصبح؟؟... شكلك ماشوفتيش الكومنت ولا إيه؟؟... Read More
    هيبقى خرس وعما كمان؟؟
    :p
    ((يخرب بيت قلة الأدب اللى عالصبح))

    ردحذف
  8. Kholoud ElSayed at 10:00am May 10
    بافهمله ع طول
    من دون ما يقول
    واكتر من نفسى بيفهمنى

    الصمت دة لغة جامدة جدا... Read More
    للى يفهمها
    لعل وعسى
    يفهمها

    ردحذف
  9. Maha Abbasi at 10:02am May 10
    فى ناس كتير لكن بيصير مافى غيرة
    :)

    ردحذف
  10. Mohammad Hasan Morsi at 10:56am May 10
    مها
    مش عارف أقول ايه بجد
    انتي بتجيبي الكلام و الإحساس ده منين
    انتي رائعة
    بجد... Read More
    انتي انسانة رائعة

    ردحذف
  11. Usama Shazly at 10:59am May 10
    حينها فقط يسود الخوف ملونا كل الملامح بلونه الضبابى الكئيب
    أوجعتينى يا مها

    ردحذف
  12. Yassmine Youssif at 2:12pm May 10
    ولم يتبقي ألا بقايا من كل شئ
    وانين الصمت يحاوطهم
    ========================
    انا هاقف هنا مع الكلام .....
    منتهى الانكسار و الضعف ...... Read More

    دى لوحدها ممكن تبتدى بيها كتابة تانية .
    لانها مش تنفع تكون نهاية
    دى كانت لازم تكون بداية.

    الصمت من اعظم الافعال الانسانية ............ بس لليعرف يستخدمهاااااااااااااا.

    اذا كان الكلام من فضة فالسكوت من ذهب.

    و دى هدية منى ليكى ..... احبك فى صمتى ل فيروزيتنااااااااا الجميلة.

    http://www.youtube.com/watch?v=agOU-FPLIQU&feature=related

    انتى جميلة قوى و قريبة للقلب و من القلب.

    ردحذف
  13. Shimaa Hassan at 9:15pm May 10
    صمتت كل الكلمات في انتظار من يفهمها

    دايما دايما بجد والله
    بتقولى حاجات فى الجون
    اله عليكى بجد

    ردحذف
  14. Ahmed Elsayed at 11:38pm May 10
    تسلم ايدك الشعور من دهب اتمنى ان محدش يفقدة والصمت نوع من الكلام بس كلنا بنسمع عن الالم لكن محدش شافه وكذلك الكلام السطور وحدها فاهمه كويس بتقولى ايه والانين مع كل حرف فاكر قصدك ايه

    ردحذف
  15. Mohammad Hwehy at 11:58pm May 10
    كنا ساكتين لحد ما ارتحنا لخص وثقنا اننا لازم نتكلم معاه
    بس لما بنصل لحاله فيها بنكون اتنين في واحد او واحد في اتنين بيبقي السكات م سكات
    خصوصا لو اجهزه الارسال والاستقبال لحالتها
    ماحد هنا هايفهمني
    اصله ماحد هنا بيفهم سكاتي... Read More
    ;)
    اسكتي بقث عاوز اسكت

    ردحذف
  16. Hala Samir Gamal at 12:05am May 11
    كيف لمن تعلم الكلام ان يصمت من جديد
    صمتت كل الكلمات في انتظار من يفهمها
    تبعثرت الحروف في انتظار من يلملمها
    ولم يتبقي ألا بقايا من كل شئ
    وانين الصمت يحاوطهم... Read More

    7elwa awyyyyyyyyy bgd

    ردحذف
  17. Maha Abbasi at 12:13am May 11
    اجهزة الارسال والاستقبال
    والودع والفنجان وفتح المندل
    وابين ازين
    :(

    ردحذف
  18. Ehab Saber Selyman at 7:22am May 11
    افتكرت جملة (ده السكوت زى الكلام) للشاعر عبد الرحيم منصور ف اغنية منير على المدينة لما قريت النوت ... ف حالة الانسان بيوصل لها بتبقى فعلا نتيجة الكلام نفس نتيجة السكوت لان الكلام مبيبقاش ليه لزمه ف الوقت ده ومهما اتكلمنا مش بنتفهم او الى قدامنا مش بيحاول انه يفهم فبتتساوى الحالتين ... عجبتنى اوى جملة
    صمتت كل الكلمات في انتظار من يفهمها
    بجد شكرا ليكى يا ميها
    :)

    ردحذف
  19. Amira B. Abdalla at 12:21pm May 11
    حاقولك ايه
    منك لله يامها
    هواحنا ناقصيك النهارده
    مااحنا علي طول في احتياج الصمت للكلمات
    ولكن لاحياه لمن تنادي ... Read More
    والامر لله

    ردحذف
  20. Maha Shalan at 2:48pm May 11
    كلامك جميل اوى ومهما قولتى بردو بيعجبنى بس فعلا قصيدة جميلة

    ردحذف