14‏/05‏/2009

شئ من الخوف

أنا في انتظار الصباح قالتها وابتسمت
كانت في فراشها تصارع النوم.... ترجوه وتتوسل له ...تعده بكل الأحلام ألجميله إلا انه رفض الانصياع لها
أثقلت جفونها الرغبة في النوم ولكنها فشلت في استحضاره فقررت البقاء كما هي في صمت
كعادتها كل يوم تغمض عينيها وتتوسل له لعله يغافلها ويأتى ولكنها شعرت بمن يتسلل في صمت إلى جوارها
انتفضت ... وسارعت بالالتفات وجدت تلك الطفلة الصغيرة تحمل على شفتيها ابتسامه ضعيفة
تنظر لها في صمت فالتفتت حولها إنها هنا في حجرتها
مازالت في فراشها.... من تلك الطفلة المرتجفة؟؟؟؟
ولكنها شعرت بحنين ما بالرغم من أنها شعرت بالخوف منها إلا أنها نظرت لها ومدت يدها وجدتها ترتجف
ولكنها ليلة صيفيه لا مجال فيها للبرد فأحضرت الكثير من الاغطية وضمت تلك الطفلة إليها.... لا تعلم كيف شعرت هي الأخرى بالبرد فضمت لها الطفلة وأحاطتهما بالأغطيه ولكن ما شعرت بالدفء
مازلت ترتجف ومعها الطفلة الصامتة فنظرت كل منهما للأخرى ....ضمت لها الطفلة لعلها تشعر بالأمان
نظرات حائرة تسكن العيون وارتجافه برد تفتش عن الدفء...دموع صامته متحجرة تأبى أن تتحرر من أسرها
شيء من الخوف يحاوطها.... فضمت قدميها إلى صدرها في صمت... أتفتش عن دفء أم عن أمان
أشعلت الأنوار... انتفضت ترتعش من البرد.... ارتدت كل ما تستطيع أن ترتدي ولكنها مازالت ترتجف
كانت كطفلة فقدت والديها تنظر في شرود ليدها التي أصبحت خاوية تفتش عن تلك اليد التي كانت تضم يدها
تحاول أن تصمت لعلها تسمع صوت احدهم يناديها.... لا تسمع الصوت
أهكذا يكون إحساس اليتم....أهذا هو صوت نبضات القلوب المرتجفة
ازدادت اقتراب من نفسها لعلها تشعر بالدفء.... تذكرت الطفلة.... فتشت عنها في كل مكان لم تجدها
اختبأت من جديد تلك الطفلة حتى يعود والديها فهي وحيدة

هناك 13 تعليقًا:

  1. شوفي يا ست الكل
    تعليقي هيبقى طويل حبتين تلاتة اربعة

    بما انك عارفة عني إني رخمة و بقول رأيي لو حاجة مش عاجباني أو عندي نقد عليها فأنا هقول رأيي و لكِ أن تقبليه و لكِ أن ترفضيه و طبعاً طبعاً لو رفضتيه مش هزعل أصلاً لإن دة من حقك أصلاً

    ...
    اولاً هتكلم عن المقطوعة
    من ناحية الاحاسيس

    الشعور اللي وصلني هوه شعور الخوف زي مانتي كاتبه و قدرتي توصليه
    خوف من اللا شيء
    او من الوحدة
    او من أي شيء آخر

    شعور قدرتي توصليه كويس

    ..............
    الفكرة

    مش عارفة
    حسيت إني توهت منك في السكة

    من كتر ما زودتي
    والبنت بترتجف
    وانا برتجف
    و هيا ألبس مهما ألبس بنرتجف
    و بتاع

    يمكن عشان أنا بطبعي مبحبش لما أقرأ مقطوعة نثرية مبحبش الاستطالة و التمطيط

    بحب توصفي الشعور حتى و إن كان من عدة اتجاهات
    بس ميفضلش الكاتب يقول
    و ظلت تبكي
    ثم اتت بالمناديل و بللتها كلها و فظلت تبكي
    وبعدين بصت على الحيطة و فضلت برضو تبكي
    فاهماني ؟؟؟

    بحب الكلام يضرب ضربته فيا و يسيبني أنا أشعر بالمشاعر
    ميفضلش يمط لحد ما أمل منه..
    دة كان في الفقرة بتاعت الارتجاف
    وكمان الحتة بتاعت
    ضمتها
    و رجعت ضمتها تاني
    و ضمتها تالت

    حسيت كمان اني توهت منك في السكة في حتة
    الطفلة ترتعد من البرد كطفله فقدت والديها

    حسيت الدنيا ساحت كدة
    وبعدين لما فوقت من القرايه لاقيت الطفلة
    راااحت

    عامتاً
    دة بالنسبة للفكرة

    .......

    ليا بعض التعليقات اللغوية
    برغم إن اللغة عندي مضمحلة بس يعني
    انا شايفة احساسك عالي في الحاجات
    فأحبك تركزي شوية في اللغة
    او في الاسلوب إن جاز القول

    زي اية مثلاً
    امشي معايا بالنص واحدة واحدة أوك؟
    بصي كلامي اولاً و اخيراً بيعبر عني فقط
    وممكن تمسكية ترمية من الشباك
    بس مليش دعوة هقولهولك
    امشي معايا بقة من الاول

    كانت في فراشها تصارع النوم

    الهدف من الجملة دية إنها مش عارفة تنام مش انها قاعدة في الفراش
    فالافضل - من وجهة نظري- إنك تحطي صراع النوم قبل الفراش
    لإن الفراش هنا مجرد وسيلة
    و الشيء اللي تاعبها إنها مش قادرة تنام
    فتبقي كانت تصارع النوم في فراشها

    وبعدين أصلاً هيا تصارع من أجل النوم و ليس تصارع النوم
    فتصارع النوم يعني النوم بيغصب عليها تنام و هيا اللي مش راضية

    فتصبح
    كانت تصارع من أجل النوم في فراشها ( تحسي الجملة تقيلة صح )
    شوفيل صرفة يعني
    انا فاهمة انتي قاصدة إيه
    بس هاتيها باسلوبك بقة

    ..........
    ترجوه وليس ترجوة لإن الهاء هناك ضمير و ليس اداة تأنيث

    ...
    تتوسل إليه و ليس تتوسل له

    ...

    تعده وليس تعدة

    ..........

    تعده بكل الاحلام الجميلة

    لو مشينا هنا تبع سياق الحوار بتاعك
    إنها تعد النوم بكل الاحلام الجميلة
    جملة مش مفهومة
    يعني ازاي تعد النوم بالاحلام الجميلة
    و هيا اصلا مش عارفة تنام

    المفروض تبقي

    تمني نفسها بالاحلام الجميلة
    او تعد نفسها بكل الاحلام الجميلة

    إلا أنها ( نفسها و ليس النوم) رفضت الانصياع لها

    ...............

    استحضاره وليس استحضارة

    ................

    تغمض عينيها و تتوسل إليه

    ................

    سارعت بالالتفات وجدت تلك الطفلة الصغيرة

    حاساها تقيلة شوية
    ممكن مثلاً كنتي تقولي

    التفتت فوجدت ( الفاء هنا تعبر عن السرعة بدل كلمة سارعت .. فاهماني.. ) تلك الطفلة الصغيرة

    .........

    بلاش كلمة تحمل عللا شفتيها ابتسامة ضعيفة
    خليها على شفتيها ابتسامة ضعيفة
    كثيرة الافعال بتتحسسك كدة بالثقل ( أو بتحسسني أنا )
    ............
    التفتت حولها >>> تلفتت وليس التفتت
    ...........
    مازالت في فراشها -مع- تلك الطفلة -المرتجفة- وليس مازالت في فراشها -من- تلك الطفلة -المرتجفه- ي
    .................
    ولكنها شعرت بحنين ما شعرت بالخوف منها
    انا شايفه لاافضل تبقى
    برغم ما شعرت به من حنين ، شعرت بالخوف منها
    ............
    نظرت لها مدت لها يدها
    نظرت لها فمدت ( الفاء تعبر عن الجملة الشرطية عارفاها اللي هيا فعل كذا فرد عليه .. اللي فهمته إن البنت بصت للطفله فالطفلة مدت لها إيدها )
    فتصبح نظرت لها فمدت لها يدها

    ..............
    وجدتها ترتجف ولكنها ليلة صيفية لا مجال فيها للبرد
    وجدتها ترتجف برغم انها ليلة صيفية لا يمكن أن تشعر فيها بالبرد

    ...........

    احضرت الكثير من الأغطية و ضمت تلك الطفلة
    أحضرت الكثير من الاغطية و لفت بها الطفلة و ضمتها إليها
    .............

    ضمت لها الطفلة و احاطتها بالاغطية ولكن ما شعرت بالدف

    مانتي لسة يا بنت الحلال قايلة الجملة دية بطريقة تانية فوق

    ملهاش لازمه
    ..............

    ضمت لها الطفلة لعلها تشعر بالأمان

    مش هيا أصلا كانت ضماها و هيا محطواها بالاغطية

    ممكن تختصري الموضوع دة كلة

    في أحضرت الاغطية و لفت بها الطفلة ثم ضمتها إليها علها تشعر بالامان
    و بعدين نظرت كل منهما للأخرى

    ................

    أتفتش عن الدفء أم الأمان
    و ليس
    أتفتش عن الدفء أم عن الأمان

    .............
    اشعلت من حولها كل الانوار

    الانوار هنا ادتني احساس إنها لمبة كهربية
    و اللمبة الكهربية تُضاء ولا تُشعل

    فيمكنك القول
    أضاءت كل الأنوار من حولها
    و ليس أشعلت
    .............

    انتفضت ترتعش من البرد

    مش عارفة حاساها مكلكعة
    ربما لو فنطتيها
    بحيث تبقى

    انتفضت من البرد ثم بدأت ترتعش من جديد
    او اي بتاع
    قولي انتي بأسلوبك

    ............

    ازدادت اقتراباً و ليس ازدادت اقتراب

    .............
    طبعاً فيه الألفات القطعية اللي هيا أ و الالفات ال وصلية اللي هيا ا

    حاولي تظبطيها

    عارفة ممكن يفيدك إيه في الحركة دية
    اكتبي الكلام بتاعك على
    microsoft word
    قبل ما تحطية في بوست
    هيفيدك في حركة الافعال و الألف ال أ و ال ا
    و التهجئة بتاعت الكلمات

    انا نفعني جامد

    على فكرة أنا أفشل ما يكون في اللغة العربية بشهادة كل من حولي

    انتي محتاجة بس تقري شوية زيادة
    و تحاولي تراعي وانتي بتكتبي
    و هتلاقي نفسك بتاخدي بالك من الحاجات دية

    ...........

    بالمناسبة الحتة اللي في الاخر عجبتني اكتر حاجة

    يلا خير

    معلش طولت عليكِ

    سلام عليكِ

    ردحذف
  2. على فكرة مش بزعل ولا اضايق من النقد انا بجد فى نقط كتير هاهتم بيها واستفدت جدا من كلامك

    ردحذف
  3. من الفيس بوك
    =====================
    Mohammad Hwehy
    ---------------------
    at 10:47am May 14
    ليه ؟؟
    :(
    =======================
    Mohammad Hwehy

    at 10:48am May 14
    عاوز يضيفوا بدل
    like
    يحطوا
    hate
    ==========================
    Mohammad Hasan Morsi

    at 11:02am May 14
    جميلة جدا و رقيقة جدا كالعادة
    أحلى حاجة فيكي يا مها
    إنك بتعرفي تترجمي كويس أوي الأحاسيس بالكلمات
    باحس و أنا باقراها بكل كلمة طالعة من قلبك فعلا
    ... Read More
    بحب أوي أقرأ كلامك
    ربنا يخليكي ليا يا صديقتي و أختي و بنوتي الصغيرة

    ========================
    Mohammad Hwehy
    at 11:12am May 14
    برضه
    hate

    ردحذف
  4. Noha Kamal Aly

    at 11:45am May 14
    My little sister, when did you go
    And what is, in your face that shows
    A story buried, deep and strong
    But that's a secret, one that we kept for so long
    To say our love would be a lie... Read More
    But what other word doesn't die

    الكلام ده هو الرد بتاعى وعلى فكرة ده من غنوة عاملاها دماغ من الصبح وكاتباها عالستيتس كمان
    وهضيف إضافة صغيرة :منك لله يامها جداً بجد:)
    =======================
    Mohammad Hwehy

    at 11:51am May 14
    هه؟؟ Noha Kamal Aly at 11:56am May 14
    يعنى إيه؟؟
    ترجمى من فضلك
    :P
    هههههههههههههه
    =========================

    Maha Abbasi

    at 11:56am May 14
    We are two friends lost in time.. when your eyes are passing mine,I see we've been through so much in our lives....We're true friends in time. Maha Abbasi at 11:57am May 14
    مش هارد عليكى غير بيها لان بجد
    احنا كدة
    ودى مابتترجمش دى بتتحس بس
    ============================
    :P Rehab A Moustafa

    at 12:01pm May 14
    Maha, gamdaaa gedan, bera3'm men eni maleeesh fi elshe3r we el-lo3'ah el 3arabiah di 2abadan bas begad I like it soooo much
    ==========================
    Noha
    Kamal Aly

    at 12:02pm May 14
    طيب بس هى الغنوة كلها على بعضها كده حالة مهببة بستين نيلة

    وفعلاً فعلاً بفكر جدياً أبطل أسمع عربى عشان العالم دى سابقيننا بسبعتاشر مليون سنة فى القدرة على التعبير بجد... مش عارفة إزاى بيعرفوا يعبروا عن حاجات مكلكعة جداً بالبساطة دى
    بقوللك إيه يامها .. ماتكتبى لنا أغانى :)

    ردحذف
  5. Mohammad Hwehy
    at 12:05pm May 14
    انا وقعت في مدرسه لغات هنا ولا ايه
    يا جماعهخ راعوا ان معاكم تعليم حكومي برضه
    ==========================

    Noha Kamal Aly

    at 12:08pm May 14
    على فكرة يارحاب
    اللى مها كاتباه ده مش شعر خالص
    هى مها دى لو كتبت شعر هسيبها فى البلد دى يوم واحد؟؟
    أنا هبعتها على المنفى فوراً:)))
    =======================
    Rehab A Moustafa

    at 12:16pm May 14
    it is not Poetry??? :$ Sry Noha but I dont know... tayeb dah beysamoh eh??
    ===========================
    Noha Kamal Aly

    at 12:18pm May 14
    بيسموه حسين على اسم جده
    ههههههههههه
    =============================

    Mohammad Hwehy

    at 12:19pm May 14
    We're true friends in time.

    مش الطفله دي برضه اللي اختفت


    هي الصداقه؟؟
    ==============================

    Maha Abbasi at 12:29pm May 14
    نهىىىىىىىى
    خفى على رحاب ياماما لسه جديدة معاكى
    اهى رحاب دى يانهى بينطبق عليها النظريه بتاعتنا ان اللقاء صدفه
    وان احنا اتلمينا كلنا كدة على بعض صدفه
    وان لو لينا نصيب نتقابل تانى هانتقابل يانهى لو بعد 10 سنين... Read More
    رحاب دى صاحبتى من ايام الكليه واقرب صديقه ليا كمان حصلت ظروف وافترقنا اكتر من 12 سنه رغم اننا فى بلد واحدة واتقابلنا من اسبوع بس
    تفتكرى اتقابلنا ازاى يانهانيهو اتقابلنا
    صـــــــــــــــــــــدفــــــــــــــــــه
    على الفيس بوك وهى عايشه فى قطر على فكرة
    :)))))))))))))))))))
    -------------
    رحاب نهى بتحب تهرج ماتعرفيلهاش جد من تهريج بس نهى دى من اطيب واجمل الناس اللى ممكن تعرفيها فى حياتك
    منتهى الصفاء والنقاء والصداقه
    =====================

    Mohammad Hwehy


    at 12:34pm May 14
    هو ايه حكايه الصفاء والنقاء معاكوا انهارده
    ---

    ثم ان الكلمتين اتقالوا في غير موضعهم خالص المرتين اللي اتقالوا فيهم
    -----... Read More
    وبرضه ما اقصدش حاجه

    ==========================
    Mohammad Hwehy

    at 12:36pm May 14
    نعلق بقي علي تعليق تعليقك علي تعليق تعليق نهي علي تعليق تعليق رحاب علي تعليق تعليق نهي اللي كانت بتعلقه علي تعليق التعليق بتاع التعليق الاولاني

    يعني الطفله دي هاتستخبي 10
    12
    سنه... Read More
    من غير اكل ولا ميه

    ردحذف
  6. Noha Kamal Aly
    at 12:37pm May 14
    طيب يامها بس مارديتيش على السؤال
    هو اللى انتى كاتباه ده شعر ولا ‘إيه؟؟؟؟:)

    أهلا بيكى فى وطنك يارحاب
    أنا نهى صاحبة مها من 98 :)هههههههه
    ============================

    Mohammad Hwehy

    at 12:38pm May 14
    هههههههههههههههه
    و
    2008 Maha Abbasi at 12:51pm May 14
    وهى الصداقه بتختفى ياواد يامهم انت
    ---------------------------------------
    استنى ياواد يامهم لما احكيلك حدوتة البنوته
    كان ياماكان ياسعد يااكرام ولا يحالى الكلام الا بذكر الهادى اللى لازم تكون عليه الصلاوات
    كان فى بنوته صغيرة كانت دايما مستخبيه .بتبص على الدنيا من بعيد.خايفه عليها تقرب... Read More
    وفى يوم من الايام اتفتحت كل الشبابيك والابواب ودخل الضى
    نور كل الدنيا من حوليها مابقتش تخاف لانها كانت لما تخاف بتروح تستخبى فيه .خرجت البنوته راحت تلعب وتجرى ورى الفراشات
    ضحكت اوى من قلبها ضحكه غريبه على ودنها
    ضحكه جميله
    رنتها حلوة مليانه فرحه
    حتى لما بكت كانت عارفه ان فى ايد هاتتمد تمسح دمعها
    غاب الضى وحل عليها الليل
    رجعت خافت جريت استخبت تانى لحد مايطلع تانى الضى
    هى الطفله اللى استخبت تانى بس الانسانه الكبيرة الناضجه لسه موجودة قامت تعمل قهوتها وتكمل المشوار

    ===============================
    Noha Kamal Aly
    at 12:54pm May 14
    عليه الصلاة والسلام :)
    ========================
    Mohammad Hwehy

    at 12:55pm May 14
    :)
    =========================

    Rehab A Moustafa
    at 1:52pm May 14
    hhehehhe 2eh ya maha, enti me7asesani 2eny soya7 men bani swaif walla flestini men Qatar.... ana lesa fakra 7'efet eldam elmasri bardoh...hazari ya noha wala yehemk... and thx guys u really made my day... ana 7asa eni fi ma9r :)
    =======================

    Mohammad Hwehy

    at 2:08pm May 14
    ترجع بالسلامه ان شاء الله
    بس مالهم يعني سواح بني سويف

    اجدع ناااااااااس
    ==================

    Maha Abbasi

    at 2:14pm May 14
    ههههههههههههههههههههه
    انتى بس تعالى هنا كل يوم يارحاب وانتى هاتلاقى نفسك عايشه معانا هنا
    وصدقينى فى الاجازة هاعرفك عليهم اون لاين
    ==================
    مابلاش انت ياحويحى... Read More
    حد غيرك يتكلم
    هاتلاقى سوينى داخلك دلوقتى
    ربنا يجعلنا كلمنا خفيف عليه دا عمال يدلع فيا بقاله كام يوم

    ===========================
    Mohammad Hwehy

    at 2:16pm May 14
    ماهو ده الدلع ده مبرر
    ماهو ده الهدوووووووووووء قبل العاصفه
    ههههههههههههههه

    ردحذف
  7. Maha Abbasi at 2:19pm May 14
    هههههههههههههههههههههههه
    لا ياخويا سوينى دا حبيبى انت ناسى ياواد يامهم
    دا هو البحر وانا الشط والموج كتير
    حد يروح يجبلى الودع نوشوشه لما نشوف هايقلنا ايه
    =====================


    Nesrin Youssef

    at 2:24pm May 14
    ايه ده قلبتوا النوت
    حكايات و اغانى و مئلته
    هههههههههههههههههههه
    لا و ايه ناس مثقفة اغانى انجليزى كمان

    =========================
    Mohammad Hwehy

    at 2:26pm May 14
    مئلته
    انت بتمقلت علي المقلته نفسها
    لااااااااااااااااااا
    انتوا مش عاجبكم بتوع ني سويف ليه انا عاوز اعرف

    ماهم بس
    =======================

    Maha Abbasi


    at 2:26pm May 14
    بطوووووووووووط
    كدة يابطوط هو انت ماتعرفش ان احنا ثقافتنا المانى
    هاى هتلر على طول

    ردحذف
  8. Hana Arabi هناء عربي at 7:02pm May 14
    ما شاء الله اسلوبك رائع في الكتابه , انا مش عارفة انتِ بتكتبِ قصص والا لآ لكن اقول لكِ
    دام قلمك ودمتي مبدعه

    ردحذف
  9. Yassmine Youssif at 8:05pm May 14
    مها....حويحى....رحاب....نهى...نسرين..
    ========================
    احب اعرفكوا انى نسيت النوت كانت بتكلم على اية اصلاااااااااااا
    و انى اتشديت اكتر للحوار ايللى داير بينكوا
    و اللقا ايلى بعد معرفش كام قرن بالصدفة... Read More
    و بنى سويف و اهلها
    و انا و انت
    و رقصنى ....
    "********************
    نرجع بقى للنوت....

    مها انا عاوزة اقولك انى اتخديت و اترعبت
    و بردت و صقعت بجد
    و حاسيت كدة باجات حلوة قوى

    انا طبعا اخر حد ممكن يقولك برافوا لانك زى ما انتى عارفة انى لسة مبتدأة و مش لية فى مجال الادب كتييييرررر

    بس انا بحبك
    و بس!!!!

    سلامى الى كل من فى الشات نوت رووم
    هههههههههههههههههههههههههههههه

    ردحذف
  10. Weaam Mokhtar at 12:56am May 15
    يااه
    صح! كل حاجة بنحاول نستخبي فيها بتردنا تاني لمرحلة الطفولة و الاحساس الدائم بالأمان ،طول ما "الكبار" حوالينا!
    الواحد لما بيعدي المرحلة دي،بينسى
    تسلمي يا مها
    :)

    ردحذف
  11. Maha Shalan at 1:57pm May 15
    تنظر فى شرود ليدها التى اصبحت خاويه
    احساس مرعب لمجرد التفكير فيه
    والعنوان دة جميل أوى ..يسلم الإحساس العالى :))

    ردحذف
  12. Manar Munjed at 5:38pm May 15
    كلنا هذه الطفلة/المرأة... كلّنا مجبولون على الخوف
    وإن لم يخطر لنا ذلك

    يسلم قلمك وإحساسك

    ردحذف