13‏/12‏/2008

صفحات لا تطويها الايام



عندما تشعر بالحب لشخص ما.... لأنه هادئ أو عاقل أو مجنون أو لأنه أو لأنه أو لأنه , فهذا ليس حبا لهذا الإنسان ,بل حب لشئ ما
عندما تحب إنسان فتبحث عنه دائما دون أن تعرف أسباب وتشتاق إليه دون لماذا
دون أن تعرف لماذا تنجذب له, لا تعرف لماذا تهفوا له
فتجده يتسلل إلى قلبك بلطف ويفتح كل نوافذك للحياة ولا تستطيع الرفض
يأتيك وقت ما تريد دون أن يعلم بأنك تنتظره
تحبه ويحبك دون أسباب فأنت تحبه لأنه هو ,لأنك رأيت بداخله ما لم يستطيع غيرك رؤيته ولأنه استمع لنبض قلبك واستوعب صمتك وأدركه
لأنك احتويت بداخله الإنسان واحتوى بداخلك الروح
تستطيع في تلك اللحظة أن تقول بأنك تحبه ولكنك تجهل مالذي تحبه فيه وتحاول أن تقول وتتكلم ولكنك تجد بأنك لا تعرف لما أحببته
ربما تكون أحببت ما وراء ابتسامته ,ما وراء تلك النظرات ,أحببت الشئ الذي يستتر خلف غضبه أو فرحته ,ثورته أو جنونه , دموعه أو ضحكاته
أحببت ما وراء الماديات, فأنت لم تحب تلك الضحكة ولكنك أحببت القلب الذي يطلقها
ربما تسرح في تلك النظرات التي قد يراها البعض حادة ولكنك أحببت فيها ما يتوارى خلفها, حتى انك أصبحت تفتش عنه في كل مكان ما بين الأوراق وخلف الألحان وفوق السطور والأحرف
تحفظ كلماته عن ظهر قلب ... يتردد صوته من حولك ....تشاركه أفراحك وإحزانك
عندما تفرح تبحث عنه في كل مكان لتخبره بأنك سعيد لأنك تعلم بأنه يبحث عن سعادتك
وعندما تحزن لا تخجل أن تذهب له ضعيف... مكسور فأنت تعلم جيدا بأنه سيحتويك ويضمد جرحك ويجفف دمعك, تجده معك في كل مكان ومع كل حديث
حتى في عدم وجودة ..... هو موجود
حاضر حتى ولو كان غائب ,تفتش عن حروفه وتتلاشى فيها أحزانك ,سنوات هي ما جمعتكم أم تراها أيام ,إنها أوقات تمضى بينكم لا لشئ إلا أن كل منكم وجد نفسه في الأخر وتعود لتتساءل في صمت عن ماذا أفتش فيه
ستجد انك أحببته لكل شئ وللا شئ وعندها ستعلم جيدا بان الرحيل مستحيل وبان الرحيل الوحيد بينكم هو الموت

هناك 19 تعليقًا:

  1. تبحث عنه دوما دون ان تعرف اسباب

    تستطيع فى تلك اللحظه ان تقول بانك تحبه

    فعلاً؟؟؟

    ردحذف
  2. Gehan Ahmed (Egypt) wrote
    at 9:05am
    انتى بتوصفى وبتتكلمى عن حاجة مش مجودة يا مها فى حياة كل واحد فينا اللى بنحبه وكدة وعازين يبقى كدة عمرنا ما بنلقيه كدة لكن انتى بجد وصفتى وصف رائع لحالة كلنا بنمر بيها طول عمرنا ودايما دايما بندور عليها

    ردحذف
  3. Nesrin Youssef wrote
    at 9:27am
    الله بجد يا مها
    وصفتى حالة الحب بشكل تحفة
    انا بموووت فى احساسك

    ردحذف
  4. Amira B. Abdalla wrote
    at 9:28am
    الحب ده زي المرض .. فيروس .. كيميا .. تحب واحد مش عاجبك .. لما تفكر في ايه اللي بتحبه فيه ماتعرفش ترد .. تحبه لان الكيميا اشتغلت .. لان الفيروس اصابك .. لان النداهه ندهتك .. تلاقي روحك مشدود لبني ادم وانت مستغرب مشدود ليه .. يمكن نظره خطفتك .. يمكن كلمه اسرتك .. يمكن ايماءه شدت انتباهك .. يمكن لمسه كنت مستنيها من زمان .. فيروس يخترق جهاز مناعتك يمشي في دمك يوقف دماغك .. فيروس و" اتشي .. اتشي .. اتشي " وبعدها تلاقيك اسير لحظه التلاقي اللي كنت بتحلم بيها لمسه الحنان اللي كنت تتمناها ... الحب فيروس يخليك تحب اخر واحد كنت تتصور انك حتحبه و" اتشي .. اتشي .. اتشي " والعقل بقي والتفكير والمنطق والحكمه كل ده يجي بعدين لما تخف !!! او مايجيش خالص .. وساعتها يبقي من حسن حظك !!!! و" اتشي .. اتشي .. اتشي " ا

    ردحذف
  5. Maha Abbasi wrote
    at 9:34am
    العشق.....حب
    الصداقه....حب
    الانسان......حب

    ردحذف
  6. Eng. Chitos (Egypt) wrote
    at 10:07am
    جميله يا مها

    ردحذف
  7. Mai Sawan (Egypt) wrote
    at 10:53am
    ياه يا مها
    انتي بتقولي حاجات في وقتهااااااااااا
    بجد كلامك مظبوط و بجد بنحس بالكلام ده وقت احتياجنا ليه في فرحنا و حزننا اول حد بنجري عليه هوه
    بجد تحفة

    ردحذف
  8. Kholoud ElSayed (Egypt) wrote
    at 11:39am
    إتتتتشششششىىىىىى
    آه يابا
    العيا قاتلنى
    ومش شايفة قدامى

    حد عنده دوا؟؟؟

    ردحذف
  9. Amira B. Abdalla wrote
    at 11:49am
    ياريت ياخلود كان فيه دوا .. كنا زمانا شربنا القزازه كلها علي بق واحد ..

    ردحذف
  10. Soliman Mohamed wrote
    at 3:32pm
    جميل يا مها
    انتي تتحدثين بعمق عن الفارق بين الحب و الاعجاب
    ولكن ده موجود بداخلنا نحن
    يمكن ان يوافق احدهم قلبي و عقلي و نصل الي معادلة الحب
    او ان يوافق هوي في نفسي واخدعها و اوهمها اني وجدت الحب
    ثم افيق علي بمبة
    الفيصل هو نحن وما بداخلنا من حس و فهم و فكر
    و الاخر مجرد شماعة نلقي عليها باخطائنا

    ردحذف
  11. Rose Sabet (Egypt) wrote
    at 4:53pm
    يمكن موضوع البمبة ده منتشر جدا الايام دي
    بس اكيد بالصدفه لو بس ادينا لنفسنا فرصه هانلاقي النوع ده من الحب موجود
    مافيش مانع نستني البومبة وتبقا مجرد اوهام داخليه اننا وجدناه
    بس مافيش مانع بردو اننا نستمتع بيه لغايه اما البمبة تيجي براحتها
    وممكن ماتجيش خالص

    نرجع لموضوع النوت لمها المتجددة
    قد احب جنونه وتهوره لانه يخلق البريق في ايامي
    اعترف اني مش مقتنعه ابدا بفكرة ان ممكن انسان يحب حد ومايبقاش عارف هو بيحبه ليه دي معناها انه مش بيحبه في وجهه نظري
    مش شايف عيوبه ولا مميزاته
    مش عارف يركز وفي نفس الوقت مشتت او تايه فيه
    مش عارفه
    انا عندي الاقوي انه يكون شايف عيوبه وعارفاها وحاببها كمان
    ومتاقلم مع مميزاته وحاسس انه بيكمله

    love not by finding a perfect person,
    but by learning to see an imperfect person perfectly

    انا بتكلم عن موضوع النوت نفسها
    عن الفكرة
    اما الطريقة النثريه للموضوع هي جميلة وبتدل علي منتهي الحب والثقه

    ردحذف
  12. Maha Abbasi wrote
    at 5:18pm
    روزا روزا
    انا العلاقه اللى بتكلم عنها بتكون علاقه قدريه بس طبعا بتكونى عارفه كل المميزات والعيوب
    وحباها بس بردة مفيهاش ليه وازاى فيها هى كدة
    تجبها كدة
    تجلها كدة
    هى كدة

    ردحذف
  13. Salma Mahmoud wrote
    at 10:23pm
    اسمحيلي يا مها أتطفل علي النوت بتاعتك دي
    قريتها و بصراحة مقدرتش ومعرفتش أسكت
    ----------
    انك لم تحب تلك الضحكة

    ولكنك احببت القلب الذى يطلقها
    الله الله الله
    ----
    تبحث عنه فى كل مكان لتخبرة بانك سعيد

    لانك تعلم بانه يبحث عن سعادتك
    ----------
    ربما تكون احببت ما وراء ابتسامته

    احببت الشئ الذى يستتر خلف غضبه
    ---------
    والله ما عارفة أقول حاجة

    ردحذف
  14. Nahla Nasser Eldin (Jonesboro, AR) wrote
    at 1:24am
    allah 3aleky ya maha alllllllllllah

    ردحذف
  15. Jihan Fahmy wrote
    at 5:49pm
    الله يا مها وصف دقيق وجميل للحب
    انا مريت في حياتي بالحب ده مرتين
    وكأنك بتتكلمي بلساني في وصفي للحب ده
    تحياتي يا مها لوصفك الجميل

    ردحذف
  16. Gehan Ahmed (Egypt) wrote
    at 6:22pm
    مرتين ؟؟ متقوليش هههههههههههههههههههههه وانا اللى فكراكى طفلة برئية

    ردحذف
  17. Jihan Fahmy wrote
    at 6:26pm
    لا متفهميش غلط
    مره حب ولازالت
    ومره صداقه ولازالت برضو الحمد لله
    واعتقد ان هم مش حا ينتهوا الا بالموت زي مها ما قالت
    :))))

    ردحذف
  18. Maha Abbasi wrote
    at 6:35pm
    ههههههههههههههههههههههههههه
    والله العظيم ياجماعه
    الصداقه نوع من انواع الحب برضه
    ليه محدش راضى يعترف بكدة
    الله يكرمك ياجوكا اول واحدة تعترف معايا ان الصداقه حب

    ردحذف
  19. Jihan Fahmy wrote
    at 6:45pm
    طبعا يا مها بالعكس ده الي وصفتيه ده يمشي مع الصداقه اكتر بكتيييييييييييير
    وانا حاسه كلامك اوي
    لانه بيحصل معايا بالظبط
    تحياتي مره كمان

    ردحذف