01‏/12‏/2008

هذا صديقى

انه انسان
مجرد تخيله يجلب لك الامان والطمئنينه والراحه
لمجرد تخيل صوته
تشعر بسعاده لا تعرف لها سببا
الا انه موجود فى حياتك
اروع ما فى صوته
صدقه
الذى يتسلل الى قلبك وعقلك
يتمتع بتلقائيه ممزوجه بحكمه
لا يمتلكها من هم اكبر منه بسنوات
هي نتيجه صراعات كثيرة مع الايام
والحياه والبشر
وتجارب عميقه
حفرت بداخله خطوط
استطاع ان يستوعبها جيدا
ويستمد منها قوته
يمتلك حكمه التجربة
ومرارتها
التي يغلفها بطبقه رقيقه من السكر
حتى يستطيع احتمال مرارتها
يحمل بداخله روح نقيه
تفيض على من يقترب منها بالحب والرعاية
يجيد فن الاحتواء
يستطيع احتوائك
وامتصاص كل همومك
ورسم ابتسامه كبيرة على شفتيك
صادق جدا مع ذاته ومشاعره
لا يجيد فن الكذب
ولا يستطيع تلوين مشاعره
لا يشعر بالخوف او الخجل من اخطائه
واضح مع ذاته دون ان يجلدها
بداخله نقاء من النادر ان يحمله انسان
مقتنع بان لكل تجربه فى حياته بصمه
حتى لو تألم
لا يخجل من ألمه
ولكنه يستمد منه قوته
حريص كل الحرص على من يحب
حتى انه يفتديه بروحه
يحمل بين طيات قلبه حب كبير
يحافظ عليه فى قلب مخملي
انه هذا الانسان
الذى تستطيع ان تأتمنه علىايامك
واسرارك
وكل ما يخصك وانت مطمئن
بانه لك
السند
والعون
بانه مرئاتك التي تساعدك على كشف عيوبك
وسترها
وابعاد كل العيون عنها
ربما لم نلتقى وجها لوجه
الا اننا قد التقينا فى مكان ما
حيث كان يجب ان نلتقى
كلانا يؤمن بان لقائنا هو اليقين
لم يكن صدفه
التقينا فى وقت كان كل منا يحتاج للاخر معه
تجهل من منكم يكبر الاخر فى العمر
فهوالاب
والاخ
والصديق
وفى بعض الاحيان تشعر بانه
الابن
الذى يحتاج للرعاية والاهتمام
تجد معه الطفولة البريئة
تلهو وتلهو
وتجرى على شواطئ الاحلام
تجد عندة حنان ابوي يهفو القلب اليه
تغضب
فيتحمل غضبك بصبر وحب
تبكى
فيمسح دموعك
تفقد خطواتك الطريق
فيرشدك
هو اخ
تستند عليه
اذا ما اتعبتك الدنيا
ترتكن اليه
وتحتمى به من كل ما يخيفك
ويربت على كتفك بحنان
يمتلك ضحكه سحريه
صافيه
صادقه
تنتزعك من كل احزانك
انه صديقي
واخى
الذى لم القاه الى الان وجها لوجه
======================
شكرا لانك فى حياتى
او لاننا فى حياة بعض

هناك 24 تعليقًا:

  1. Noha Kamal Aly at 3:36am December 1
    صديقى أنا كمان
    وأخويا
    وحبيبى من أيام الدقى.. من قبل الجيزة يعنى بشوية:)ههههههههههههه

    ردحذف
  2. Mohammad Hwehy at 3:36am December 1
    واحد اتقسم علي تلاته

    اللي يعرف التالت يكلمني
    09000

    ردحذف
  3. Noha Kamal Aly at 3:37am December 1
    ده أنا بحبه من أيام ماكان شبح ياجدعان:)ههههههههههههههههههه

    ردحذف
  4. Maha Abbasi at 3:39am December 1
    هههههههههههههههههههههه
    طيب والله كنت هاحط صورة الشبح بس مردتش
    وهو بيموت فيكى من قبل الجيزة بشويتين

    ردحذف
  5. Eng. Chitos at 4:37am December 1
    فوازير رمضان دي
    اتصل على 09006161
    تكسب دي في دي
    mp4
    تلاجه 6 قدم و 3 ايدين
    ههههههههههههههههههههه

    مها الكلام حلو اوي
    النوت جامده جدا
    انتي حب جميل جدا و تستاهلي اكتر من كده كمان

    ردحذف
  6. Eng. Chitos at 4:39am December 1
    ربنا يخليكوا لبعض إن شاء الله و تشوفيه وجها لوجه و تدوم بينكم الاخوه والمحبه

    ردحذف
  7. Maha Abbasi at 10:58am December 1
    بجد حاولت كتير انى اعرف اوصف او اكتب عنه زى مانا حاسه بس معرفتش
    تاه الكلام منى وحسيت ان اى كلام هايتكتب هايكون اقل بكتير من اللى هو يستحقه
    وهو اكبر من كل الكلام

    ردحذف
  8. Rose Sabet at 12:06pm December 1
    انا ليه مش هنا !!!
    تصدقو زعلت منكو
    تخونكو العشرة الاستيتوسية بتاعتنا
    :(

    ردحذف
  9. Michel George at 2:00pm December 1
    مش فاهـم حاجه !!!
    :D :D

    ردحذف
  10. Noony Adel at 3:45pm December 1
    دا شامبو جديد ياحويحي .. بدل 3 في واحد
    احنا قسمنا الواحد علي تلاته .. قدرات بقي ههههههههههههه
    دا الجديد من البيت بيتك (نحن نختلف)
    LOL.
    ----------
    يابختك ياسيدي بالكلام الجميل دا هههههههههههههههههههه
    عارفة يا مها
    اوقات الواحد لما بيعز حد اوي اوي بالشكل اللي انتي بتوصفيه ويكون قريب اوي بشكل مختلف .. بيحاول يوصفوا ويكتب كتير عشان يقدر يوصل للوصف اللي عايزو.. لكن في النهاية بيبقي مش عاجبو اللي كتبو لأنو حاسس انو مقدرش يعبر عن 1 في المليون في نظرتو واحساسو بمواصفات الشخص دا .. وقد ايه هو اكبر من اي كلام .. لكن بيحاول
    واوقات يفشل في المحاولة دي من كتر احساسوا انو مش قادر يعبر .. فبيلتزم الصمت ..
    علي فكرة دا كلامو هو كمان بردو كان دايماً يقول كدا..
    زي مانتي عملتي كتبتي ومع ذلك مش راضية لأنك بتعزيه اوي وحساه صديق نادر واخ حقيقي ميتعوضش .. وهو فعلا كدا

    بس حقيقي الكلام اللي كتبتيه جزء حقيقي وكبير منه .. مش لازم ابداً تقابلي انسان وجهاً لوجه عشان تقدري توصفيه..
    علي فكرة قدرة التعبيرعن الجواكي دا نعمه ربنا يديمها عليكي .. حتي لو انتي شيفاه انو نقطة في بحر اللي جواكي ومش كامل بس احنا شايفينو احساس عالي صادق وجميل زيك يامها ودا كفاية

    ردحذف
  11. Rose Sabet at 3:49pm December 1
    تكملة لكلامك يانوني اللي انا موافقة عليه كله طبعا
    مش بس انتي ممكن مشاعرك تتحرك ناحية شخص انتي ممكن تكوني ماشفتيهوش لا وكمان ممكن تعزريه وتختلقيله مخارج علشان صورته ماتتهزش قصادك
    مع انك ممكن تكوني ماشفتيهوش فعلا ولا تعرفي ملامحه ولا حتي تعرفي ردود فعله لمواقف معينه كل ده مالوش اي معني عندك غير انك اتعلقتي بيه واعتبرتيه صديق
    بتدوري عليه وبتستمتعي بكلامك معاه وممكن توصل لمرحلة انك تكتبيله شعر
    وكانه حد من اهلك او جزء من حياتك لو خسرتيه ممكن تحسي بفراغ في مكانه
    الصديق شئ مهم وخصوصا لو حد انتي حسيتي بانه احتواكي او استوعبك او علي الاقل فهم انتي عايزة تقولي ايه

    بس سؤال بقا يامها انا مش في النوت دي ليه يارفيقه الكفاح الاستيتوسي

    ردحذف
  12. Maha Abbasi at 4:09pm December 1
    معلش ياروز يااختى بجد مكنش قصدى
    هههههههههههههههههههههههههههه
    مانتى عارفه لفين على استيتسات الفيس بوك استيتس استيتس
    الصديق الحقيقى الانسان اللى يفضل فى غيابه موجود معاكى بصوته وسكناته وكلامه
    اللى تتقوى بيه وتكونى مناكدة انه حتى لو غايب لو احتجتيه اوى هاتلاقيه
    وفعلا مش لازم تكونى شفتيه وجها لوجه ومش لازم تكونى تعرفيه من سنين كتير عشان يكون جزء منك بيحس بيه
    بس انا بختلف معاكى انا لازم على الاقل اكون عارفه ملامحه وسامعه صوته عشان اقدر اتواصل مع الانسان اللى قدامى
    وبجد الصديق كنز

    ردحذف
  13. Maha Abbasi at 4:15pm December 1
    ماهو فعلا يانونى دايما يقول بحب اكتب عن الناس اللى فى حياتى بس فى ناس مبعرفش اكتب عنها
    وبعدين بردو يانونى فى سطر ضايع مش راضى يتكتب عندك انتى كمان
    تقريبا السطر دة مستنيه هو اللى لما ييجى يكتبه
    ==================================
    ميشو مش فاهم ايه
    ======================
    حويحى نونى ردت عليك
    نحن نختلف
    ههههههههههههههههههههههه

    ردحذف
  14. Eman Mokhtar at 5:14pm December 1
    بجد حاجة جميلة وروعة في التعبير والصياغة الأدبية
    حاجة منتهى الحساسية والرقة ..
    تجنني يا ماهي ..
    انا تقريبا عرفت الحد ده .. لو تقصدي واحد بعينه يعني يا مهموه.. ولو اني بردو مستغربة لسقوطي سهواً هذه المرة ايضاً .. بس ولا يهمني ..
    هههههههههههههههههههههههههه

    ردحذف
  15. Maha Abbasi at 5:31pm December 1
    هههههههههههههههه
    لا والله مش سهوا ياميمى اصل النت كان تقيل جدا فى اسامى اتحطت واسامى متحطتش واتكتبت الكومنتات قبل مااكمل بقيت الاسامى وبعدين احنا هانعزموكى فى بيتك ياشابه

    لا دا مش تقريبا لا دا اكيد انتى تعرفيه
    وبتعزيه جدا كمان

    ردحذف
  16. Noony Adel at 5:50pm December 1
    اه يا أروبة .. هو السطر ابن الايه دا هههههههههههههههه
    ماهو انا نسيت اقلك اني في نواحي معينة اوقات بعجز عن التعبير فبلتزم الصمت .. بسيب الاشارات تتكلم .. بسيبها تشتغل بقي هههههههه.. وانا عارفة كويس مين اللي يجيد فن استقبال وترجمة الاشارات .. اوقات بتكون احسن من اي كلام
    وللا ايه يا ميها ;)
    وثانيا ان انا فعلا قلت لما يجي السطر دا هيكتب من حد فينا.. ويمكن يكتب تالت مرات هههههههههههههههههههههههه
    يارب ما يحرمنا من بعض العمر كله .. :)
    ------------------
    صح ياروز .. كله صح فعلا .. بس بردو انا مع مها ان الملامح مهمة اوي .. بتفرق .. حتي لو متقابلتوش ابدا .. بس لازم يكون في ملامح مربوطة بالشخصية .. بتفرق كتير اوي وبتقوي الخيط ..وحاجات كتير

    ردحذف
  17. Maha Abbasi at 5:54pm December 1
    ههههههههههههههه
    يابنتى انا قلتلك هو السطر دة حالف ماحد هايكتبه غيرة
    مستنيه هو اللى يكتبه
    يارب يانونى يارب
    ====================
    وانا فعلا مقتنعه جدا بانى لازم اعرف ملامح الانسان اللى بكلمه مع صوته عشان اقدر احس بيه

    ردحذف
  18. Rose Sabet at 5:57pm December 1
    انا مش قصدي انك ماتشوفيهوش خالص طبعا
    بس ملامح الشكل مش هي اللي بتاثر زي ملامح الشخصية وردود افعالها

    بس جميلة النوت يامها بتتكلم في موضوع حلو

    ردحذف
  19. Noony Adel at 6:02pm December 1
    صحيح نسيت يا مها
    تسمحيلي ارفعلك القبعة بدالو علي ما يجي ;)
    وللا لازم هو هههههههههههههههههههه

    ردحذف
  20. Maha Abbasi at 6:18pm December 1
    ارفعيها يانونى
    بس هاييجى يقولك القبعه بتعتى بتلعبى فيها ليه
    ههههههههههههههههههههههه

    ردحذف
  21. Eng. Chitos at 5:54am December 3
    انا ما حلتش حاجه
    حد يفهمني بدل ما ازمي نفسي م النوت دي
    مين الشخص يا مها

    ردحذف
  22. Noony Adel at 12:23am December 4
    لسة معرفتش ياشيتوس
    وهل يخفي الميدو مودي ههههههههههههه
    ----------
    فهماكي يا مها..يمكن النوت دي بالذات ليا فيها تعليقات كتيرة جدااا
    لكن مش هعرف اقول ولا تعليق .. لأن زي ما بقلك في حاجات بتبقي اكبر من الكلام ..
    هو عارف ..
    هقول بس يارب يديم صداقتنا دي علطول .. ويفضل الواحد مقسوم لتلاته لووول .. لأن الصديق الصح عملة نادرة جدا جدا جدا .. تلاته جدا
    معلش يانهي استلفنا من عندك تلاته جدا للضرورة القسوة ههههههههههههه

    ردحذف
  23. Maha Abbasi at 2:03am December 4
    طيب كنتى استنى يانانا نحيرهم شويه ولو انه نهى لقطته على طول
    وايمان
    وبعدين احنا لو عملنا 100 كومنت مش هانعرف نقول حاجه لان دة بيتحس مش بيتقال
    وهو مش محتاج كلام عشان يعرف حبه فى قلوبنا قد ايه او هو بالنسبه لينا ايه
    لانه عارف انه حاجه كبيرة اكبر من اى كلام وانا عارفه اننا عندة كدة برضه اصل على راى جدا جدا مش ون واى لازم يكون رايح جاى
    ودة مش صديق بس دة اخ وسند واب وونس
    وحاجات كتير كفايه انك بتحسى انك مسنودة عليه
    انك متحاميه فيه عايزة اكتر من كدة ايه
    ربنا يحميه ويخليه دايما احسن اخ وفريند
    وانا عارفه انه عندك كدة ونفسك تقولى كل الكلام دة بس الكلام ضايع منك فاانا هاقول وانتى امضى
    ههههههههههههههههههه
    ولما يجى يمضى هو كمان

    ردحذف
  24. مش عارف اقولك ايه ميها بجد ربنا يخليكي ليا برغم ان معظم اللي كتبتيه ده عشان انتي طيبه اووي وحنينه اوي وشفتيني كده بس بجد بجد مش هلاقي كلام اصلا يشكرك علي ثقتك فيا وعلي رايك ده ولو ما كانتش نونا رفعت القبعه انا كنت رفعت القبعه والكوفيه والبالطو كمان ربنا ونهيو طبعا مش بس حبيبتي من ايام الجيزه دي اول حد اتعرفت بيه في الجروب وحسيت انه ببيعاملني كاخ بروح حلوه اوي واخدني من ايدي عداني حواجز التعارف اللي دايما بتاخد وقت عمري ما هنسي ده ربنا يخليكو ليا
    وبجد يا ميها مش لاقي رد غير اني اسكت او بالاشارات زي نوني ما قالت بس لو كان ينفع اصور وشي اللي احمر جايز كنتي هتفهمي انتي عملتي ايه فيا
    ============ ميها ونوني لو فيه سطر ناقص ما اتكتبش يبقي انتو اللي هتكتبوه مش انا عشان اكيد انتو عارفين انتو ايه بالنسبالي

    ردحذف