.jpg)
لساك على احلامك قادر يا صديق
لسه فى قلبك
ضحكه
وفرحه
وشموع بتضوى للكل طريق
لسه فى قلبك عصفور بيغرد بيطير
لسه جوه ضلوعك
قلبك بيرفرف
لسه حصانك على البر بيرمح
بيعافروسط موج البحر المكسور
لسه فى قلبك جزء براح
تحضن فيه الدنيا و تضم
انا عارفه انك قادر تحلم
قادر تعشق
قادر تفرح
قادر تمسك قلمك
تكتب حدوته
ماما تحكيها للنونو
يضحك
ويغمض
و ينام
يحلم فى منامه
باميرة جميله وسلطان
وبساحر يحكى للعابد
وبفارس على ضهر الخيل
شايل سيفه فرحان
بيروح للملك الغندور
لساك فاكر
تمسك قلمك
تسرح لبعيد
مع ضحكه جميله لبنوتة
تخطف قلبك
وتعيش فى عنيها حدوته
منسوجه حروفها ومكتوبه
فى محطه قطر
هات الوانك شخبط على كل جدار
اوعاك تحزن
دانت الفرحه فى عيونك ساكنه
ضحكه صوتك تحضن وتلم
اوعاك تنسى
خليك فاكر
لسه العمر فراشه
بتفرد جناحتها فى السما هاتطير
لسه القلب صغير
رغم الاحزان بيدق
لسه فى صوتك بحر امان
لساك فاكر
ولا نسيت
وعــــــد
بانك تفضل شايل قلبك
حافظ حلمك
ضامم اهلك والخلان
قادر على كل الاحزان
انا عرفاك
رغم ان الحزن بيهد جبال
تقدر تضحك
تقدر تحلم
ماتكنش بخيل
ازرع فى حقول الصمت سنابل
انا عارفه
انك قادرتسبح ضد التيار
قادر تزرع بساتين الدنيا زهور
قلبك سامع صوتي
سامع قلبي
عارف انى واثقه
انك ها تقوم
ها تقول
ها تفرد دراعاتك تحضن قرص الشمس
ها تطول نجوم السما باديك
ايوة انا عارفه
انك تقد
لازم تقدر
لازم ها تكون
===================
رساله خاصه جدا
===========
رساله خاصه جدا
ردحذففائزه جدا جدا
مبروك
ويارب وفقنا
واكيد لساه فاكر
طبعا فاكر وهو حد فينا يقدر ينسى
ردحذف:)
طبعا فاكر وهو حد فينا يقدر ينسى
ردحذف:)
Noha Kamal Alyحااااااااضر يامها:)
ردحذفMaha El-Abase:))
ردحذفAisha El Hayawanتحفه
ردحذفجميله جدا و قريبه جدا حاسه انها بتتكلم عن صديق عزيز اختفى و سايب مكانه فاضى
Noha Kamal Alyمعلش يا إش إش اسمحيلى أقوللك إش إش أولاً واعترض على كلامك ثانياً:)
ردحذفالصديق العزيز مابيختفيش .. وعمر مكانه مابيبقى فاضى
العزيز مكانه القلب .. واللى فى القلب مابيختفيش
Maha El-Abaseاش اش هى لصديق صحيح ويمكن انا استغربت اوى ان مش يفوز وبالمركز الاول للجنه التحكيم غير دى
ردحذفمع انى مش بكتب شعر عامى وماكتبتش غير دى اصلا بالعاميه لا قبلها ولا كتبت بعدها بس يمكن كتبتها من قلبى اوى
وهو مش اختفى لان الصديق اللى بجد مابيختفيش بيفضل ساكن القلب وموجود
:)
Aisha El Hayawanمها و نها انا معاكم جدا فى كل اللى بتقولوه و هى لمست قلبى اوى لأنى عايشاها بجد و انا قلت مكانه فاضى صح بس على فكره المكان الفاضى بيوجع اوى و بيفضل مستنى صاحبه لما يرجع ينوره
ردحذفادعوا معايا انه يرجع بسرعه
نها من غير ما اسمحلك انتى تقولى اللى انتى عاوزاه اش اش مشمش اللى ييجى على بالك قوليه انا سعيده اننا بنتكلم مع بعض و ياريت نبقى اصحاب
و ربنا يخلى مها اللى مجمعه الناس عندها
Aisha El Hayawanمها و نها انا معاكم جدا فى كل اللى بتقولوه و هى لمست قلبى اوى لأنى عايشاها بجد و انا قلت مكانه فاضى صح بس على فكره المكان الفاضى بيوجع اوى و بيفضل مستنى صاحبه لما يرجع ينوره
ردحذفادعوا معايا انه يرجع بسرعه
نها من غير ما اسمحلك انتى تقولى اللى انتى عاوزاه اش اش مشمش اللى ييجى على بالك قوليه انا سعيده اننا بنتكلم مع بعض و ياريت نبقى اصحاب
و ربنا يخلى مها اللى مجمعه الناس عندها
Noha Kamal Alyربنا يخليكى يا إش إش وإنتى بجد من الناس اللى بتبسط لما أقابلهم فى أى مكان ... نهارك ورد :)
ردحذفHala Samir Gamal7elwa awy ya maha bgd 7asaha 7araket 7agat kteera gwaya
ردحذفmaknsh 7d 3aref ye7arakha
thank u :)
Hala Samir Gamal7elwa awy ya maha bgd 7asaha 7araket 7agat kteera gwaya
ردحذفmaknsh 7d 3aref ye7arakha
thank u :)
محروس أحمدجميلة فعلا
ردحذفواجمل ما فيها احساسها
صادق ومركز
Ola HashemFakaretny bel kasida beta3et ali salama ely 3'anaha a7mad zaky.. En m2dertesh ted7ak matdama3ash w matebkish =) fiky ro7 motafa2la ba7ebaha men zaman ya miho =)
ردحذفهات الوانك
ردحذفشخبط على كل جدار
اوعاك تحزن... Read More
دانت الفرحه فى عيونك ساكنه
ضحكه صوتك
تحضن وتلم
ياالله
مش عارفه اقولك حلوة جدا دى قوى
:))
الله ايوه كده ادينا امل يا ميها اللله عليكي حلوه اوووي اوووي اووووي اووووي وكلنا لسا فاكرين علي فكره يسلم قلمك
ردحذفهيه دي