19‏/08‏/2009

لساك فاكر


لساك على احلامك قادر يا صديق
لسه فى قلبك 
ضحكه
وفرحه
وشموع بتضوى للكل طريق
لسه فى قلبك عصفور بيغرد بيطير
لسه جوه ضلوعك 
قلبك بيرفرف
لسه حصانك على البر بيرمح
بيعافروسط موج البحر المكسور
لسه فى قلبك جزء براح
تحضن فيه الدنيا و تضم
انا عارفه انك قادر تحلم
قادر تعشق
قادر تفرح
قادر تمسك قلمك
تكتب حدوته
ماما تحكيها للنونو
يضحك 
ويغمض
و ينام
يحلم فى منامه 
باميرة جميله وسلطان
وبساحر يحكى للعابد
وبفارس على ضهر الخيل
شايل سيفه فرحان
بيروح للملك الغندور
لساك فاكر
تمسك قلمك
تسرح لبعيد
مع ضحكه جميله لبنوتة
تخطف قلبك
وتعيش فى عنيها حدوته
منسوجه حروفها ومكتوبه
فى محطه قطر
هات الوانك شخبط على كل جدار
اوعاك تحزن
دانت الفرحه فى عيونك ساكنه
ضحكه صوتك تحضن وتلم
اوعاك تنسى 
خليك فاكر
لسه العمر فراشه
بتفرد جناحتها فى السما هاتطير
لسه القلب صغير
رغم الاحزان بيدق
لسه فى صوتك بحر امان
لساك فاكر
ولا نسيت
وعــــــد 
بانك تفضل شايل قلبك
حافظ حلمك
ضامم اهلك والخلان
قادر على كل الاحزان
انا عرفاك
رغم ان الحزن بيهد جبال
تقدر تضحك
تقدر تحلم
ماتكنش بخيل
ازرع فى حقول الصمت سنابل
انا عارفه
انك قادرتسبح ضد التيار
قادر تزرع بساتين الدنيا زهور
قلبك سامع صوتي
سامع قلبي
عارف انى واثقه
انك ها تقوم
ها تقول
ها تفرد دراعاتك تحضن قرص الشمس
ها تطول نجوم السما باديك
ايوة انا عارفه
انك تقد
لازم تقدر
لازم ها تكون
===================
رساله خاصه جدا
===========

هناك 17 تعليقًا:

  1. رساله خاصه جدا
    فائزه جدا جدا
    مبروك
    ويارب وفقنا
    واكيد لساه فاكر

    ردحذف
  2. طبعا فاكر وهو حد فينا يقدر ينسى
    :)

    ردحذف
  3. طبعا فاكر وهو حد فينا يقدر ينسى
    :)

    ردحذف
  4. Noha Kamal Alyحااااااااضر يامها:)

    ردحذف
  5. Aisha El Hayawanتحفه
    جميله جدا و قريبه جدا حاسه انها بتتكلم عن صديق عزيز اختفى و سايب مكانه فاضى

    ردحذف
  6. Noha Kamal Alyمعلش يا إش إش اسمحيلى أقوللك إش إش أولاً واعترض على كلامك ثانياً:)
    الصديق العزيز مابيختفيش .. وعمر مكانه مابيبقى فاضى
    العزيز مكانه القلب .. واللى فى القلب مابيختفيش

    ردحذف
  7. Maha El-Abaseاش اش هى لصديق صحيح ويمكن انا استغربت اوى ان مش يفوز وبالمركز الاول للجنه التحكيم غير دى
    مع انى مش بكتب شعر عامى وماكتبتش غير دى اصلا بالعاميه لا قبلها ولا كتبت بعدها بس يمكن كتبتها من قلبى اوى
    وهو مش اختفى لان الصديق اللى بجد مابيختفيش بيفضل ساكن القلب وموجود
    :)

    ردحذف
  8. Aisha El Hayawanمها و نها انا معاكم جدا فى كل اللى بتقولوه و هى لمست قلبى اوى لأنى عايشاها بجد و انا قلت مكانه فاضى صح بس على فكره المكان الفاضى بيوجع اوى و بيفضل مستنى صاحبه لما يرجع ينوره
    ادعوا معايا انه يرجع بسرعه
    نها من غير ما اسمحلك انتى تقولى اللى انتى عاوزاه اش اش مشمش اللى ييجى على بالك قوليه انا سعيده اننا بنتكلم مع بعض و ياريت نبقى اصحاب
    و ربنا يخلى مها اللى مجمعه الناس عندها

    ردحذف
  9. Aisha El Hayawanمها و نها انا معاكم جدا فى كل اللى بتقولوه و هى لمست قلبى اوى لأنى عايشاها بجد و انا قلت مكانه فاضى صح بس على فكره المكان الفاضى بيوجع اوى و بيفضل مستنى صاحبه لما يرجع ينوره
    ادعوا معايا انه يرجع بسرعه
    نها من غير ما اسمحلك انتى تقولى اللى انتى عاوزاه اش اش مشمش اللى ييجى على بالك قوليه انا سعيده اننا بنتكلم مع بعض و ياريت نبقى اصحاب
    و ربنا يخلى مها اللى مجمعه الناس عندها

    ردحذف
  10. Noha Kamal Alyربنا يخليكى يا إش إش وإنتى بجد من الناس اللى بتبسط لما أقابلهم فى أى مكان ... نهارك ورد :)

    ردحذف
  11. Hala Samir Gamal7elwa awy ya maha bgd 7asaha 7araket 7agat kteera gwaya
    maknsh 7d 3aref ye7arakha
    thank u :)

    ردحذف
  12. Hala Samir Gamal7elwa awy ya maha bgd 7asaha 7araket 7agat kteera gwaya
    maknsh 7d 3aref ye7arakha
    thank u :)

    ردحذف
  13. محروس أحمدجميلة فعلا
    واجمل ما فيها احساسها
    صادق ومركز

    ردحذف
  14. Ola HashemFakaretny bel kasida beta3et ali salama ely 3'anaha a7mad zaky.. En m2dertesh ted7ak matdama3ash w matebkish =) fiky ro7 motafa2la ba7ebaha men zaman ya miho =)

    ردحذف
  15. هات الوانك

    شخبط على كل جدار

    اوعاك تحزن... Read More

    دانت الفرحه فى عيونك ساكنه

    ضحكه صوتك

    تحضن وتلم

    ياالله
    مش عارفه اقولك حلوة جدا دى قوى
    :))

    ردحذف
  16. الله ايوه كده ادينا امل يا ميها اللله عليكي حلوه اوووي اوووي اووووي اووووي وكلنا لسا فاكرين علي فكره يسلم قلمك
    هيه دي

    ردحذف