29‏/12‏/2008

تاج منامينو


لو كان ينفع تختار عصر تعيش فيه هيبقى انهى؟ ومين الحاكم؟

لا انا بحب ايامى

أول اولويه فى حياتى ...عيلتى ..شغلى ...أصحابى؟

الموضوع مش فيه اولويات هو بيكون مين محتاج وجودى اكتر فى الوقت دة

وبيتحدد على اساس درجه الاحتياج


ايه اكتر حاجه بتحبها فى رمضان؟

فانوس رمضان ومدفع رمضان

بس رمضان كان زمان معدش فى جو رمضان

اوصف أجمل فطار ممكن تفطره؟

مج نسكافيه بلاك على الواقف وانا بتكلم مع حد قريب من قلبى

لو انت حاكم هتكون عادل ؟ وهتعرف ازاى؟

العدل فى الميزان لكل خلق الله

مين أكتر اعلامى بتحبه؟

بحب ذكاء شوبير الاعلامى وبحب انسانيه وبساطه محمود سعد

لو ممكن شغلانه تانيه تختار ايه؟

علاقات عامه

تانى بلد تحب تعيش فيه بعد مصر ؟

مصر وبعدين مصر وبعدين مصر

اوصف ترتيبات أجمل فرح ممكن تحضره؟

نظرة امتنان فى عيون اتنين بيحبوا بعض

بتراعى كلام الناس والقيل والقال؟ وليه؟

طظ
صحيت من النوم لا موبايل ولا كمبيوتر ولا كاميرا ديجيتال ورجعنا لعصر الحصنه والحمام الزاجل؟

عندما نعتاد الاشياء نفتقدها وعندما نفتقدها نتألم


السعاده هى ؟

الصداقه الحقيقيه وراحه البال والامان مع ناس بحق وحقيقى

عندك أمل؟ واسبابك؟
عندى امل فيك

اسبابه \

عندى ثقه فيك
لما بتحب تهرب من كل حاجه بتروح فين ؟

لناس بحبها وبتحبنى بصدق بلاقى معاها نفسى

امتى أول مره أخدت فيها نفس وقلت ياااااااه أنا كبرت؟

مش بعترف بالسن
بتعرف ايدك الشمال ازاى؟

لما اسلم على حد باليمين هاتكون اكيد التانيه الشمال

ليه الذوق والنخوه اتعدموا؟
لان الاحساس بالانسان اتعدم
ايه الحاجه اللى لو حصلت هبقى سعيد ؟

..............................يارب على طول
تحب أرض زراعيه ولا اجنس عربيات ولا كام عماره ولا فلوس فى البنك؟

فلوس فى البنك اعمل بيها اللى اعوزة

مركب ولا طياره؟

مركب فى النيل

شخص مجنون ولا عاقل؟

لا عاقل ونتجنن مع بعض وعلى بعض

الله متعه انك تجنن حد وتتجنن معاه
تقرا كتاب ولا تتفرج على فيلم؟

كتاب
أذكـــــــــر ستة أسرار قد لا يكتشفها من يقابلك لأول مره!!!
.......................

؛؛؛؛؛؛؛؛؛؛؛؛؛؛؛؛؛؛؛؛؛؛

""""""""""""""""""
،،،،،،،،،،،،،،،،،،،،

ــــــــــــــــــــــــــــــــــــ

,,,,,,,,,,,,,,,,,,,,,,,,,,,

اه والله
سبع حاجات نفسك تعملهم!!!!

نفسى فى رحله بحريه طويله

الف العالم ودة اكيد هاياخد وقت فمش هافكر اعمل حاجه تانيه
سبع حاجات معرفتش تعملهم!!!!
اتعامل مع الناس بطريقتهم

اتعلم السواقه

الف العالم

اسكن على البحر

ان يكون جنبى عيله كبيرة بتحب بعضها

معرفتش اركب عجل

هو لازم سبعه
سبع حاجات دايما بتقولهم !!!

ياربنا

يخرب عقلك

يامجنون

ومش فاكرة ايه تانى لما اقولهالك
هاجى اكتبها هنا
سبع مشكلات فى حياتك ممكن تحلهم بالفلوس!!!

اى مشكله حلها الفلوس بس ماتكنش حاجه انسانيه
سبع أماكن بتحبها!!!!!
مرسى مطروح

السرير فى الشتا

البلكونه والدنيا بتمطر
سبع أشخاص بحبهم غير بابا وماما واخواتى!!!

صديق الذكريات

الصديق الامان

الصديقه المرايا

الصديقه الانسان

وبقيت اصحابى كلهم

كلهم

سبع حاجات بتحبهم قوى!!!!
النسكافيه
ريحه البن

ريحه البحر

صوت الموج

ضحكه جميله بتفرحنى لما اسمعها

خروجه حلوة مع اصحابى

المطر وريحته

سبع مدونات بتحب تقرالهم!!!!

مدونات اميرة عبدالله

عقل مهوى

منامينو

ومدونات كتير موجودة هنا بجد هاتحبوها لو زرتوها
اهدى التاج لمين بقى؟
طبعا منامينو دبسنى فيه وبعته لعقل مهوى

ادبس انا مين
روزا

هناك 5 تعليقات:

  1. اولا شكرا علي حل الواجب
    وطبعا نفس الاسلوب الرائع بتاع الحقن بتاعك
    نظام اضرب واجري
    بس بجد اجابات جميلة ورائعة بتدل علي شخصية جميلة ورومانسية ولو ان الرومانسية بقت عيب الايام دي
    بس تعالي هنا انت نص اجابات غشتيها مني
    ولا نسميه اقتباس
    ههههههههههههههه
    بجد اجابات جميلة

    ردحذف
  2. الجرى نص المجدعه
    :)
    وبعدين انا بضرب واستخبى تحت التربيزة
    وانا مش غشيت منك اجابات اساسا انت كنت مخبى الورقه بتعتك اغش منك ازاى
    ;)

    ردحذف
  3. علي فكرة عجبتني قوي الاسرار اللي ماحدش هايكتشفها عنك اول لما يشوفك
    تصدقي هي هي نفس الاسرار اللي عندي بالظبط
    بس انا ماحبتش اقولها علشان الاحراج
    هههههههههههههههههههههههههه

    ردحذف
  4. نظرة امتنان في عيون اتنين بيحبوا بعض !!!!!!
    امتنان ؟!!!!! ليه تعبير ( امتنان ) بالذات يا مها؟ مستغرباه
    تفتكري كان ايه المعني ورا سؤال بتعرف ايدك الشمال ازاي ؟؟
    مكنتش عايزة لا الأسئلة تخلص ولا اجاباتك تنتهي
    كنت حاسة كأني راكبة حصان بيلف بيا الدنيا وبفتح عينيا عليها لأول مرة
    وبصراحة كنت عاوزة أفتحهم علي ايديكي يا مها

    ردحذف
  5. وطني حبيبي الوطن الاكبر يوم ورا يوم امجاده بتكبر وانتصاراته ماليا حياته وطني بيكبر وبيتحرر

    الايد الشمال يا مها .. واخد بالك يا عمر ؟؟؟

    ردحذف