01‏/12‏/2008

هذا صديقى




انه إنسان مجرد تخيله يجلب لك الأمان والطمأنينة والراحة
لمجرد تخيل صوته تشعر بسعادة لا تعرف لها سببا، إلا انه موجود في حياتك
أروع ما في صوته صدقه، الذي يتسلل إلى قلبك وعقلك
يتمتع بتلقائية ممزوجة بحكمه لا يمتلكها من هم اكبر منه بسنوات، هي نتيجة صراعات كثيرة مع الأيام، والحياة والبشر، وتجارب عميقة حفرت بداخله خطوط استطاع أن يستوعبها جيدا، ويستمد منها قوته
يمتلك حكمه التجربة ومرارتها، التي يغلفها بطبقه رقيقه من السكر، حتى يستطيع احتمال مرارتها
يحمل بداخله روح نقيه تفيض على من يقترب منها بالحب والرعاية
يجيد فن الاحتواء، يستطيع احتوائك، وامتصاص كل همومك، ورسم ابتسامه كبيرة على شفتيك
صادق جدا مع ذاته ومشاعره، لا يجيد فن الكذب، ولا يستطيع تلوين مشاعره
لا يشعر بالخوف أو الخجل من أخطائه، واضح مع ذاته دون أن يجلدها، بداخله نقاء من النادر أن يحمله إنسان، مقتنع بان لكل تجربه في حياته بصمه، حتى لو تألم، لا يخجل من ألمه، ولكنه يستمد منه قوته
حريص كل الحرص على من يحب، حتى انه يفتديه بروحه
يحمل بين طيات قلبه حب كبير يحافظ عليه في قلب مخملي
انه هذا الإنسان الذي تستطيع إن تأتمنه على أيامك، وأسرارك، وكل ما يخصك وأنت مطمئن بأنه لك السند، والعون
بأنه مرآتك التي تساعدك على كشف عيوبك، وسترها، وإبعاد كل العيون عنها
ربما لم نلتقي وجها لوجه، إلا أننا قد التقينا في مكان ما حيث كان يجب أن نلتقي
كلانا يؤمن بان لقائنا هو اليقين، لم يكن صدفه، التقينا في وقت كان كل منا يحتاج للأخر معه
تجهل من منكم يكبر الأخر في العمر، فهو الأب، والأخ، والصديق، وفى بعض الأحيان تشعر بأنه الابن، الذي يحتاج للرعاية والاهتمام
تجد معه الطفولة البريئة، تلهو وتلهو، وتجرى على شواطئ الأحلام، تجد عنده حنان أبوي يهفو القلب إليه
تغضب....فيتحمل غضبك بصبر وحب
تبكى....فيمسح دموعك، تفقد خطواتك الطريق...فيرشدك
هو أخ تستند عليه، إذا ما أتعبتك الدنيا، ترتكن إليه، وتحتمي به من كل ما يخيفك، ويربت على كتفك بحنان
يمتلك ضحكه سحريه، صافيه، صادقه، تنتزعك من كل أحزانك
انه صديقي وآخى، الذي لم ألقاه إلى ألان وجها لوجه
شكرا لأنك في حياتي أو لأننا في حياة بعض

هناك 24 تعليقًا:

  1. Noha Kamal Aly at 3:36am December 1
    صديقى أنا كمان
    وأخويا
    وحبيبى من أيام الدقى.. من قبل الجيزة يعنى بشوية:)ههههههههههههه

    ردحذف
  2. Mohammad Hwehy at 3:36am December 1
    واحد اتقسم علي تلاته

    اللي يعرف التالت يكلمني
    09000

    ردحذف
  3. Noha Kamal Aly at 3:37am December 1
    ده أنا بحبه من أيام ماكان شبح ياجدعان:)ههههههههههههههههههه

    ردحذف
  4. Maha Abbasi at 3:39am December 1
    هههههههههههههههههههههه
    طيب والله كنت هاحط صورة الشبح بس مردتش
    وهو بيموت فيكى من قبل الجيزة بشويتين

    ردحذف
  5. Eng. Chitos at 4:37am December 1
    فوازير رمضان دي
    اتصل على 09006161
    تكسب دي في دي
    mp4
    تلاجه 6 قدم و 3 ايدين
    ههههههههههههههههههههه

    مها الكلام حلو اوي
    النوت جامده جدا
    انتي حب جميل جدا و تستاهلي اكتر من كده كمان

    ردحذف
  6. Eng. Chitos at 4:39am December 1
    ربنا يخليكوا لبعض إن شاء الله و تشوفيه وجها لوجه و تدوم بينكم الاخوه والمحبه

    ردحذف
  7. Maha Abbasi at 10:58am December 1
    بجد حاولت كتير انى اعرف اوصف او اكتب عنه زى مانا حاسه بس معرفتش
    تاه الكلام منى وحسيت ان اى كلام هايتكتب هايكون اقل بكتير من اللى هو يستحقه
    وهو اكبر من كل الكلام

    ردحذف
  8. Rose Sabet at 12:06pm December 1
    انا ليه مش هنا !!!
    تصدقو زعلت منكو
    تخونكو العشرة الاستيتوسية بتاعتنا
    :(

    ردحذف
  9. Michel George at 2:00pm December 1
    مش فاهـم حاجه !!!
    :D :D

    ردحذف
  10. أزال أحد مشرفي المدونة هذا التعليق.

    ردحذف
  11. Rose Sabet at 3:49pm December 1
    تكملة لكلامك يانوني اللي انا موافقة عليه كله طبعا
    مش بس انتي ممكن مشاعرك تتحرك ناحية شخص انتي ممكن تكوني ماشفتيهوش لا وكمان ممكن تعزريه وتختلقيله مخارج علشان صورته ماتتهزش قصادك
    مع انك ممكن تكوني ماشفتيهوش فعلا ولا تعرفي ملامحه ولا حتي تعرفي ردود فعله لمواقف معينه كل ده مالوش اي معني عندك غير انك اتعلقتي بيه واعتبرتيه صديق
    بتدوري عليه وبتستمتعي بكلامك معاه وممكن توصل لمرحلة انك تكتبيله شعر
    وكانه حد من اهلك او جزء من حياتك لو خسرتيه ممكن تحسي بفراغ في مكانه
    الصديق شئ مهم وخصوصا لو حد انتي حسيتي بانه احتواكي او استوعبك او علي الاقل فهم انتي عايزة تقولي ايه

    بس سؤال بقا يامها انا مش في النوت دي ليه يارفيقه الكفاح الاستيتوسي

    ردحذف
  12. Maha Abbasi at 4:09pm December 1
    معلش ياروز يااختى بجد مكنش قصدى
    هههههههههههههههههههههههههههه
    مانتى عارفه لفين على استيتسات الفيس بوك استيتس استيتس
    الصديق الحقيقى الانسان اللى يفضل فى غيابه موجود معاكى بصوته وسكناته وكلامه
    اللى تتقوى بيه وتكونى مناكدة انه حتى لو غايب لو احتجتيه اوى هاتلاقيه
    وفعلا مش لازم تكونى شفتيه وجها لوجه ومش لازم تكونى تعرفيه من سنين كتير عشان يكون جزء منك بيحس بيه
    بس انا بختلف معاكى انا لازم على الاقل اكون عارفه ملامحه وسامعه صوته عشان اقدر اتواصل مع الانسان اللى قدامى
    وبجد الصديق كنز

    ردحذف
  13. Maha Abbasi at 4:15pm December 1
    ماهو فعلا يانونى دايما يقول بحب اكتب عن الناس اللى فى حياتى بس فى ناس مبعرفش اكتب عنها
    وبعدين بردو يانونى فى سطر ضايع مش راضى يتكتب عندك انتى كمان
    تقريبا السطر دة مستنيه هو اللى لما ييجى يكتبه
    ==================================
    ميشو مش فاهم ايه
    ======================
    حويحى نونى ردت عليك
    نحن نختلف
    ههههههههههههههههههههههه

    ردحذف
  14. Eman Mokhtar at 5:14pm December 1
    بجد حاجة جميلة وروعة في التعبير والصياغة الأدبية
    حاجة منتهى الحساسية والرقة ..
    تجنني يا ماهي ..
    انا تقريبا عرفت الحد ده .. لو تقصدي واحد بعينه يعني يا مهموه.. ولو اني بردو مستغربة لسقوطي سهواً هذه المرة ايضاً .. بس ولا يهمني ..
    هههههههههههههههههههههههههه

    ردحذف
  15. Maha Abbasi at 5:31pm December 1
    هههههههههههههههه
    لا والله مش سهوا ياميمى اصل النت كان تقيل جدا فى اسامى اتحطت واسامى متحطتش واتكتبت الكومنتات قبل مااكمل بقيت الاسامى وبعدين احنا هانعزموكى فى بيتك ياشابه

    لا دا مش تقريبا لا دا اكيد انتى تعرفيه
    وبتعزيه جدا كمان

    ردحذف
  16. أزال أحد مشرفي المدونة هذا التعليق.

    ردحذف
  17. Maha Abbasi at 5:54pm December 1
    ههههههههههههههه
    يابنتى انا قلتلك هو السطر دة حالف ماحد هايكتبه غيرة
    مستنيه هو اللى يكتبه
    يارب يانونى يارب
    ====================
    وانا فعلا مقتنعه جدا بانى لازم اعرف ملامح الانسان اللى بكلمه مع صوته عشان اقدر احس بيه

    ردحذف
  18. Rose Sabet at 5:57pm December 1
    انا مش قصدي انك ماتشوفيهوش خالص طبعا
    بس ملامح الشكل مش هي اللي بتاثر زي ملامح الشخصية وردود افعالها

    بس جميلة النوت يامها بتتكلم في موضوع حلو

    ردحذف
  19. Noony Adel at 6:02pm December 1
    صحيح نسيت يا مها
    تسمحيلي ارفعلك القبعة بدالو علي ما يجي ;)
    وللا لازم هو هههههههههههههههههههه

    ردحذف
  20. Maha Abbasi at 6:18pm December 1
    ارفعيها يانونى
    بس هاييجى يقولك القبعه بتعتى بتلعبى فيها ليه
    ههههههههههههههههههههههه

    ردحذف
  21. Eng. Chitos at 5:54am December 3
    انا ما حلتش حاجه
    حد يفهمني بدل ما ازمي نفسي م النوت دي
    مين الشخص يا مها

    ردحذف
  22. أزال أحد مشرفي المدونة هذا التعليق.

    ردحذف
  23. Maha Abbasi at 2:03am December 4
    طيب كنتى استنى يانانا نحيرهم شويه ولو انه نهى لقطته على طول
    وايمان
    وبعدين احنا لو عملنا 100 كومنت مش هانعرف نقول حاجه لان دة بيتحس مش بيتقال
    وهو مش محتاج كلام عشان يعرف حبه فى قلوبنا قد ايه او هو بالنسبه لينا ايه
    لانه عارف انه حاجه كبيرة اكبر من اى كلام وانا عارفه اننا عندة كدة برضه اصل على راى جدا جدا مش ون واى لازم يكون رايح جاى
    ودة مش صديق بس دة اخ وسند واب وونس
    وحاجات كتير كفايه انك بتحسى انك مسنودة عليه
    انك متحاميه فيه عايزة اكتر من كدة ايه
    ربنا يحميه ويخليه دايما احسن اخ وفريند
    وانا عارفه انه عندك كدة ونفسك تقولى كل الكلام دة بس الكلام ضايع منك فاانا هاقول وانتى امضى
    ههههههههههههههههههه
    ولما يجى يمضى هو كمان

    ردحذف
  24. مش عارف اقولك ايه ميها بجد ربنا يخليكي ليا برغم ان معظم اللي كتبتيه ده عشان انتي طيبه اووي وحنينه اوي وشفتيني كده بس بجد بجد مش هلاقي كلام اصلا يشكرك علي ثقتك فيا وعلي رايك ده ولو ما كانتش نونا رفعت القبعه انا كنت رفعت القبعه والكوفيه والبالطو كمان ربنا ونهيو طبعا مش بس حبيبتي من ايام الجيزه دي اول حد اتعرفت بيه في الجروب وحسيت انه ببيعاملني كاخ بروح حلوه اوي واخدني من ايدي عداني حواجز التعارف اللي دايما بتاخد وقت عمري ما هنسي ده ربنا يخليكو ليا
    وبجد يا ميها مش لاقي رد غير اني اسكت او بالاشارات زي نوني ما قالت بس لو كان ينفع اصور وشي اللي احمر جايز كنتي هتفهمي انتي عملتي ايه فيا
    ============ ميها ونوني لو فيه سطر ناقص ما اتكتبش يبقي انتو اللي هتكتبوه مش انا عشان اكيد انتو عارفين انتو ايه بالنسبالي

    ردحذف