16‏/01‏/2009

لحظه ضعف

كم احتاج للبوح...احتاج للحظه اخرج فيها من صمتي، ألقى بين يديك كل تراهاتي...أتكلم وأتكلم واعلم جيدا بأنك ستصمت وتسمعني
فانا على يقين بأنك تفهمني، شيئا ما بقلبي يرتجف يفتش عن دفئ، عن لحظه صدق تمنحه الأمان
أتلك نعمتي أم نقمتي ....أن استردك بعد سنين من الرحيل، أحتاجك، اشتقاقك، افتقدك بعدد لحظات غيابك عنى، اسمع صوتك من بعيد
دائما يناديني، يدعوني إليه...اهمس لك لبيك...اركض نحو نافذتي، افتحها، أفتش عنك، أغلقها وأعود
أحتاجك، افتقدك، سنوات الصمت قتلتني، أتعبت قلبي، احتاج إليك لأتكلم، لأبوح، فلسواك ما استطعت الكلام، بعدك التزمت الصمت
وكأنه عهدا بيننا إلا يسمع أهاتي سواك
يا وهمي الساكن في يقين أيامي،احتاج لدفئ صوتك، قد مل منى قلبي
فهل تسمح لي بالبكاء بين يديك؟؟؟ هل تسمح لي بان اختبئ بداخلك واحتمى بك
هل تسمح بان تكون أنت لي من جديد الأمان؟؟؟
لم نقترب، لقد اكتشفتك بداخلي ذات صباح....شيئا منى لونتني من جديد بتلك الألوان، سرقتني من حزني واعدت لي إنا
هل اهذي؟؟؟ أم هذا أنت حقا
كيف عدت؟؟ولماذا؟؟
سلبوك منى ذات يوما، انتزعوني من بين ذراعيك...تركوني هناك،أضم نفسي لنفسي،ألقى بذاتي بين أحضاني ،انتظرتك طويلا على حافة جرحى ، خشيت أن أتهاوى فلست أنا من تتسكع دموعها في العيون، لست أنا من تتسول لحظه أمان
مازلت كما أنا اشتاقك في صمت...افتقدك في ابتهال...أرجوك في صلاتي..أفتش عنك وابحث
مازال حنيني يعزف لحن قد مر عليه سنوات يسمعه القلب، يتراقص طربا، يشتاق لمن يسمع معه تلك النغمات
ما عدت أستطيع المكابرة....أتعبني صمتي

هناك 19 تعليقًا:


  1. هل اهذي

    نعم .. لانه بالرغم من هذا وبعد كل هذا يظل

    وهمي الساكن في يقين ايامي

    ردحذف
  2. الله
    حلوة اوى
    اتعبنى صمتى جميلة جدا


    افتقدك فى ابتهال



    ارجوك فى صلاتي



    افتش عنك وابحث

    ايه ده
    تحفة واللهى
    ممكن احفظها عندى
    مش هاديها لحد
    بس احفظها يعنى
    على فكرة انا ضيفتك فى قائمة المدونات الى عندى

    ردحذف
  3. يعنى حتى لو ادتها لحد هقوا انا جايباها منين
    اوكى
    :)

    ردحذف
  4. Brave Heart
    بجد بيسعدنى مرورك
    وطبا يشرفنى انك تحفظيها عندك

    ردحذف
  5. عقل مهوى اظن كفايه اللى قلناه هناك
    وماتخفش هانقله هنا بس لما نخلص

    ردحذف
  6. Rose Sabet at 11:18pm January 15
    اللي اعرفه ان العقل الباطن بيخزن الرغبات والاحداث
    يعني كل موقف الانسان مر بيه هو جزء منه
    ان كان وحش او حلو

    ردحذف
  7. Maha Abbasi at 11:27pm January 15
    الانسان لوحه بازل مكونه من قطع الماضى والحاضر
    وفى بعض الاحيان تتشابه بعض قطع الحاضر مع الماضى

    ردحذف
  8. Rose Sabet at 11:18pm January 15
    اللي اعرفه ان العقل الباطن بيخزن الرغبات والاحداث
    يعني كل موقف الانسان مر بيه هو جزء منه
    ان كان وحش او حلو

    ردحذف
  9. Mohammad Hwehy at 11:43pm January 15
    عمي وتاج راسي انت وهو .. الماضي دا شئ محفور فينا .. العقل الباطن بيخزن كل اللي حصل "منك لله يا فقي" بس تكرارها مستحيل ..

    معلش .. ما اسمهاش تكرارها .. اسمها اعاده اعاشتها .. ممكن اقدر اعيشها تاني .. بس مستحيل تتكرر تاني .. بفرض ان هذا الشخص رجعلي "نخليها شخصايه بقي عشان تليق" .. المهم انه حنعيش زحنحاول نكرر الماضي .. بس حيبقي العقل الباطن دايما بيستحضر المواقف .. فحنلاقينا فنعيشها بشكل تاني بنحاول نتلافي الوحش اللي فيها ونكتر من الحلو اللي فيها .. فبيطلعلنا حلو تاني ووحش تاني .. والايام عمرها ما هاتتكرر صوره بالكربون

    انا قلت كلام هذيا بس اصلي جعان حروج اكل واجي

    ردحذف
  10. Maha Abbasi at 11:51pm January 15
    يابنى ماضى ايه انا بتكلم ان ممكن تقابل فى حياتك الصداقه دى والانسان دة مرتين اكيد طبعا مش نفس الانسان
    بس الروح
    ان انا ممكن اعيش حاله الامان والاحتواء دى تانى
    مش معنى كدة ان الحاضر كوبى من الماضى
    هو انا لازم اكتب الترجمه

    ردحذف
  11. Rose Sabet at 11:52pm January 15
    كلام سليم
    محاولة تكرار الموقف بتفشل لان ببساطة الانسان مش عقل بس
    ده مشاعر بتتجرح من حاجات ممكن احنا نفسنا مانستوعبهاش
    يعني ممكن نظرة تقلل من ثقة الانسان بنفسه
    ومن غير مايحس بيتغير
    لكن الناس بتلاحظ ده فيه وهو مش واخد باله
    اللي عايزة اقوله
    ان مهما حاولنا اننا نصلح تغير حصل فعلا جوانا مش هانقدر الا بصعوبة وبمساعده كمان من الشخص اللي جرح وده مستحيل طبعا
    فا مش ببساطة المور بتتكرر
    ممكن يحصلها اعاده اعاشتها زي مالسيد العضو وحوي قال كده
    وفي الغالب اعاده الاعاشة دي بتبقا في الاحلام بس
    الله يسامحك فعلا يادكتور الفقي
    بوظلنا دماغنا

    ردحذف
  12. Rose Sabet at 11:56pm January 15
    مها
    ازاي تقدري تعيشي الامان تاني وانتي فقدتي الامل في ان ممكن حد يبقا امين وواضح معاكي ويخاف يخسرك
    دي صعبة اوي دي
    للمعلومة يعني
    الانسان لما بيتصدم في صديق او حبيب او اخ مرة
    مش بيقدر ياامن لحد تاني بسهولة
    بيحتاج وقت ومجهود
    وديما بيبقا مش واثق في اختياراته وقراراته
    مش بالبساطة دي ان فكرة انك تحسي بالامان والاحتواء مرة تانية دي سهله

    ردحذف
  13. Rose Sabet at 11:58pm January 15
    بس النوت اكتر من حلوة

    انتزعوني من بين ذراعيك
    تركوني هناك
    اضم نفسي لنفسي
    القى بذاتي بين احضاني
    انتظرتك طويلا على حافه جرحى
    خشيت ان اتهاوى
    فلست انا من تتسكع دموعها فى العيون

    ردحذف
  14. Mohammad Hwehy at 12:21am January 16
    مها حبدا بالرد علي تعليقك علي تعليقي علي تعليقاتنا وبعدين نرجع للنوتس

    " "طبعا مش نفس الانسان بس الروح
    " .. معلش يعني ايه مش نفس الانسان بس الروح .. هو الانسان ايه غير روحه المتجسده في عقله وقلبه .. لما نبقي عاوزين انسان تاني يبقي في روحه زي الماضي اللي عشناه .. يبقي بنحجر عليه وعلي حقه في الاختلاف والتميز واحتوائنا في نقاط تانيه ..

    بتقولي كمان "ان انا ممكن اعيش حاله الامان والاحتواء دى تانى" .. تقصدي ايه دي بمعني دي اللي هي دي .. سيبك من الاخر .. انحا فين طيب .. ما هو ما بين الحالتين كان فيه تجارب كان فيه حياه .. ولا انا وقفت عند النقطه دي مذهول من انتزاعه من بين زراعيا .. الايام ماغيرتش فيا .. يبقي مش حقدر اصل للتاني .. برضه مستحيل اقدر اعيش التجدربه دي .. اعيش ملامحها .. االاحتواء والامان والفهم .. بس باجديد

    ردحذف
  15. Mohammad Hwehy at 12:29am January 16
    الاخ العزيز وزميل الكفاح / روز ..تحيه تقدري واحترام
    اما بعد

    انا معاك ياريس علي طول الخط .. تايد مطلق وبايعناك بايعناك .. والله يسامح الدكتور الفقي
    علي فكره العيال اللي بتسمع للدكتور الفقي عيال سيس .. يعني عيال بتوع كمبيوتر ونت :) لووول

    والله عليكي بجد لما بتقولي "الانسان لما بيتصدم في صديق او حبيب او اخ مره مش بيقدر ياامن لحد تاني بسهولة" .. ماهو فعلا مش بسهوله لانه بتيبقي ليه تجربه بتثقلها الايام .. بس ياروز لو الانسان فقد الثقه في الناس .. مش حيبقي انسان

    لانه حيرفض الاخر رفض مطلق مش حيقدر يتعامل معاهم بتجاربهم وسلطاتهم وبابا غنوجهم .. دا حيوديه لمنحدر العزله
    كفانا الله شرها واياكم

    ردحذف
  16. Maha Abbasi at 12:42am January 16
    للمعلومه فقط محدش جاب سيرة صدمات ولا غدر ولا خيانه
    من الممكن ان تنهتى العلاقه باحسن حالتها وارقها ولكن مساله ظروف
    وعلى راى طنط ليلى غفران روحوا اسالوا الظروف لا هو ولا انا ولا كان بيدنا يقف الطريق بينا
    يتكسر حلمنا
    كان مين يهون عليه يقتل روحوا بايديه
    وبتسالونا ليه
    روحوا اسالوا الظروف

    ردحذف
  17. Naglaa Elabassiry at 12:51am January 16
    هو انا كل ما ادخل نوت لمها او لحوحى
    الموضوع يتشعب وينتشر ويستمر ويستمر
    تعليق ع النوت مها رائعة ودايما بتكتب احساس جميل جدا
    وانا شخصيا بحب جدا اشوف واتابع ابداعها ع الورق لانه بيبقى حروف بتتكلم
    اما عن حكاية الصدمات وانتهاء العلاقة بطرق مختلفة النتيجة واحدة والحنين واحد
    حتى لو انتهت بطريقة قاسية وفيها غدر بيفضل برضه الحنين موجود
    موجود لنوع العلاقة اللى كانت موجودة لنوع الاحساس
    مش شرط على فكرة الليلة خلصت ازاى عشان اقدر انساها فى كل الاحوال صداقة من النوع ده صعبة النسيان
    اما الامان لحد تانى والقصة دى كلها الانسان اللى ادمن الصداقة مبيقدرش يتغير بيفضل برضه يدور عليها بين كل الناس اللى يعرفهم بيدور على نفسه من تانى فى عيون وقلب حد

    ردحذف
  18. Mohammad Hwehy at 2:29am January 16
    يا نوجااااا يا جااااااااااااامد
    هي دي الخلاصه
    بيدور على نفسه من تانى فى عيون وقلب حد

    ردحذف
  19. Maha Abbasi at 7:13am January 16
    شكرا جدا نجلاء
    الانسان اللى ادمن الصداقة مبيقدرش يتغير بيفضل برضه يدور عليها بين كل الناس اللى يعرفهم بيدور على نفسه من تانى فى عيون وقلب حد
    فعلا يانجلاء كلامك صح جدا الصداقه دى ادمان
    وعن ثقه ربنا بيبعتلك تانى الحضن والدفا

    ردحذف