الحمدالله

طول رمضان كنت بدعى كتير لربنا
 بس كان فى دعوتين هما اللى على طول على لسانى مع كل اذان وفى كل وقت ,كنت بحس ان ربنا عاوزهم منى كتير
 وفعلا كنت دايما بدعيهم وجوايا احساس غريب ان ربنا استجاب
وفى ليله القدر سبحان الله كان احساس مختلف غير كل ليالى رمضان ,دعيت كتير اوى للى بحبهم دعيت لكل واحد منهم
لكن هما الدعوتين اللى كنت بدعيهم طول الشهر قلتهم بالاكتر وكتير كانت بتخنقنى دموعى فيهم وفى لحظه لقتنى ببعت رسايل بدعاء معين لناس قريبه منى حسيت ان عاوزاهم يشاركونى ساعتها فى الدعاء
وخلص رمضان ومرت ايام وقبل مايكمل شهر بعد رمضان كان ربنا حقق دعوة منهم
حسيت انه بيطبطب على قلبى ويقولى اطمنى دعاكى وصل وقلتله "كن فيكون"
استنى بقيت الدعوات هاتيجى ورى بعض هابعتهالك رسايل فرح
يمكن الدعوة اللى ربنا اجابها كانت اكتر دعوة طلبتها منه واتمنيتها وبكيت من الفرح لما عرفت انها اتحققت لانها غاليه اوى عندى
ومستنيه من ربنا الدعوة التانيه وواثقه ان ربنا اجابها هى كمان ومستنياها
الف حمد وشكر ليك يارب على رضاك وعلى نعمتك وعلى جبران خاطرنا
الحمدالله على كرمك
يارب تم نعمتك علينا