انها رساله لم يرسلها احد وربما ارسلها الكثير
رساله خاصه لم يكتبها احد ولكنها اُرسلت ربما استشعرتها روح هائمه فى مكان ما فالتقطتها وترجمتها حروف وكلمات ولكنها رساله اغمض احدهم عينيه فى مكان ما بعيد وهمس بتلك الكلمات مابين نفسه وروحه
فالتقطتها عن بعد روح اخرى لا تعلم كيف استمعت لها وكتبتها
الى توأم الروح
عارف انك زعلانه منى وبرضه عارف انك عمرك ماهتزعلى منى
عاوزة تتخانقى معايا تزعقيلى تشتمينى بس برضه فى حضنك هاتخدينى هاتطبطبى عليا هاتقوليلى معلش ماتزعلش مش زعلانه منك ولا عمرى هاقدر ازعل
هاتقوليلى كنت خايفه اوى عليك كنت هاموت واطمن واسمع صوتك
عارف انك تعبانه وزعلانه
بس برضه عارف انى فى بعدك تعبان عاوز احط راسى على كتفك وارتاح
عاوز اقول اه عاليه اوى مايسمعهاش غيرك عشان انتى الوحيدة اللى هاتفهمى ضعفى وقلة حيلتى
مش عاوز اكون ضعيف
مش قادر اكون مهزوم
سامحينى يااغلى الناس سامحينى دايما بتعبك معايا بوجع قلبك وبحيرك
بس عارف وواثق انك فاهمانى
انك شطى وسترى وغطايا
بير اسرارى
انك من دمى
من روحى
اننا اتولدنا توءم ماعرفش ازاى بس انتى توئمى وانا توئمك
ربطنا حبل سرى واحد ولسه للنهاردة رابطنا روحى بتروحلك لما اتعب وبحس بروحك جنبى لما بقول الاه
ماعرفش اختى ولا امى ولا لما بتتوجعى بلاقيكى بنتى
فيا منك وفيكى منى من غير مانكون شبه بعض
ساعات بحسك ضميرى اللى بيقف يحاسبنى بالراحه من غير قسوة
قلبى اللى بيدق من الخوف لما اتوجع
عقلى اللى بيفكر معايا وليا لما احس انى عاجز انى افكر او اشوف بكرة
دايما ورايا سندانى واخدة ايدى فى ايدك سمعانى فاهمانى من غير كلام
سامعانى لما ماقدرش انطق ويخلص منى الكلام
حتى لو شاورتلك بتفهمى الاشارة
اتولدنا من رحم التجربه الصعبه
جمعنا رحم الايام
فى عروقنا دم واحد
هاقولك وحشتينى مش كفايا
نفسى افضل جنبك احكى واحكى واحكى كلام كتير شايلهولك ونفسى ارمى جوا بيرك وانساه
محتاج اوى الاقى ايدك بتمسح دموعى يمكن عشان كدا مستنى اكون قدامك وانا بحكى مش عاوز اكتبلك ولا احكيلك وانتى بعيد
نفسى بجد فى حاجات كتير
نفسى اقولك انك سندى وظهرى وجذورى الممدوة فى الارض
عاوز اقولك مش عارف عاوز اقول ايه
هاقولك بيكى انا اقوى
وليكى انا اقوى
هاقولك سامعك ونفسى اجيلك ومش قادر
تعبت
عارف انك مصدقانى
مابخفش انك تشكى فى خوفى عليكى
مابخفش تفهمينى غلط
مابخفش من اى حاجه لانى عارف انك سمعانى وفهمانى
غصب عنى صدقينى
وحشنى صوتك يونسنى وحشتنى ضحكتك بتفرحنى
وحشتينى
Tamer Mehanna · الله عليكي يامها ....دي رسالة مخزنة عند كل واحد فينا ممكن تطلع في يوم من الايام لحد يستاهل المشاعر دي....وممكن تفضل مخزنة في انتظار الحبيب الموعود
ردحذفFadi Koudsi مش عارف اقولك ايه يا مها
ردحذفبجد جمييييييييييلة أوي
هذه رسالة لا تلتقطها الا روح هائمة بين الأرض و السماء
لا تسمعها الا روح ذائبة في الجسد من العشق
تسلم ايديك يا مها
تسلم ايديك
Amira B. Abdalla هذه ليست رساله
ردحذفهذا حوار
حوار بين صامتين
كليهما لا ينطق
لاهي تتشاجر معه
ولا هو يشكو لها
كليهما صامت
عازف عن التواصل في لحظه الوجع اشفاقا علي الاخر من الوجع
لكن حوار الصامتين يتكلم ويقول كل شيء
كل منهما بعيدا عن الاخر يعرف مالذي سيسمعه حين يقول
كل منهما بعيدا عن الاخر يعرف مالذي سيرد به حين يسمع
انه حوار المحتاجين للونس والطمأنينه والدفء
يرتعشا من البرد يتحتلهما الصقيع لكن في ابعد نقطه واعمقها في النفس ، توجد وهجه دفء ، كل منهما يكلمهما ويسمع منها
يشكو لها ويقوي بها
-----------------
عاوز اقولك مش عارف عاوز اقول ايه !!!!!!!!!!!!!!ا
عاوز ااقولك وبس
لان اي حاجه حاقولها حتقول
اي حاجه حاقولها حتوصلك احساسي
اي حاجه حتسمعيها حتنقل لك مشاعري واحتياجي
حتكشف ضعفي
حتقويني بوجودك
انه حوار الصامتين وتواصلهم
-------------------------------------
سامعانى لما ماقدرش انطق ويخلص منى الكلام
------------------------
وانت حاسسني لو مقدرتش ارد وتاه مني الكلام
-----------------------------------
حوار الوجع الصامت
متشكرين قوي علي الهديه القيمه دي بليل والله
------------------
والبادي اظلم !!!!!!!!!!!!!!!!!!!!!!!!!!!!!!!!!!ا
Faten Khalil ماعرفش اختى ولا امى ولا لما بتتوجعى بلاقيكى بنتى
ردحذف====================
اتولدنا من رحم التجربه الصعبه
جمعنا رحم الايام
فى عروقنا دم واحد
====================
رسالة داخل كل من ... ربما أرسلها أحدنا لأحد وربما ما زال يحتفظ بها داخله لمن يستحقها ولم يظهر بعد أو لم تسنح الأيام الفرصة للتلاقي أو البوح
الله الله الله
ردحذف