01‏/11‏/2008

اسئله ليس لها الا جواب واحد

ما معنى ان تشتاق انسان
ما معنى ان تشتاقه حتى الوجع
ولا تنتهى الامك
حتى تسمع صوته
وتطمئن عليه
ما معنى ان تبقى حائرا
يشغلك التفكير فى كل شئ يخصه
ما معنى ان تبحث عن نفسك
فتجدها تتأمل ذكرى جمعت بينكما
وكلمه قد قالها
ربما لا يتذكرها هو
ولكنها تسكنك
ما معنى ان تجد نفسك متبسما
لمجرد تذكرك كلمه حانيه
قالها لك ذات يوم
كيف لصوت انسان ان يسكنك
ويسيطر عليك
وتسمعه دوما
حتى وان كان صاحبه بعيد
كيف لنظرة ان تحاوطك دوما
ودون ان تشعر تلجأ اليها لتهتدى
كيف يتسلل اليك انسان
ليسرى فى عروقك
ويتجول فى اوردتك
ويستقر فى عقلك
ويصبح جزء منك
كيف يصبح هو الونس
وهو غائب
هو السند
وليس الى جوارك
لمجرد ذكراه فى حياتك
لمجرد انه قد عبر يوما ما
بين ضفتي عمرك
يصبح هو الونس
والسند
لماذا تغمض عينيك وتستحضره
وتشعر بانفاسه تحاوطك
وبيديه تهدهدك
لماذا يستشعر قلبك انينه
دون ان تعرف انه يأن
او ماذا يحدث له
لماذا تنساب دموعك
اذا ماأشتد بك الحنين والشوق اليه
انه ليس حبا
ولا عشقا
انه نوع اخر من المشاعر
لا يعرفها
الا من استطاع ان يحياها
لا يفهمها
الا من استطاع ان يعي معنى
ان يغيب عنك انسان
فتفتقدة روحك
ويشتاقه عقلك
ويحن اليه قلبك
وتبحث عنه دموعك
لتتحرر من اسرها

هناك 19 تعليقًا:

  1. Kholoud ElSayed (Egypt) wrote
    at 2:43pm on October 29th, 2008
    طب دى الأسئلة
    فين الاجابة؟

    ردحذف
  2. Nesrin Youssef wrote
    at 2:45pm on October 29th, 2008

    انه نوع اخر من المشاعر
    لا يعرفها الا من استطاع ان يحياها
    لا يفهمها الا من استطاع ان يعى معنى
    ان يغيب عنك انسان
    فتفتقدة روحك
    ويشتاقه عقلك
    ويحن اليه قلبك
    وتبحث عنه دموعك

    حلوة موووت منك لله يا مها بجد بقااااااااااااا

    ردحذف
  3. Maha El-Abbasi wrote
    at 2:47pm on October 29th, 2008
    كل واحد
    يجاوب الاجابه الخاصه بيه يالولو
    انا حطيت الاسئله سمعونى الاجابات
    ههههههههههههههههههههههههههه
    نيس
    شكرا

    ردحذف
  4. Kholoud ElSayed (Egypt) wrote
    at 2:51pm on October 29th, 2008
    الانسان اللى باحس إنه
    the other me
    أنا الآخر
    هو اللى باحس بكل دة لما يبعد عنى

    ردحذف
  5. Nesrin Youssef wrote
    at 2:53pm on October 29th, 2008
    ده كفاية
    تشتاق انسان حتى الوجع
    ديه لوحدها كفاية

    ردحذف
  6. Eman Mokhtar (Egypt) wrote
    at 3:15pm on October 29th, 2008
    تغيـــــــــــــــــــــبين عني..
    وأسأل نفسي ترى ما الغياب؟
    بعاد المكان.. وطول السفر!
    فماذا أقول وقد صرت بعضي
    أراك بقلبي.. جميــــــــــــع البشر
    -----------------------
    بعيدان نحن ومهما افترقنا
    فما زال في راحتيك الأمان
    تغيــــــــــــبين عني وكم من قريب..
    يغيب وإن كان ملء المكان
    فلا البعد يعني غياب الوجوه
    ولا الشوق يعرف.. قيد الزمان

    ----------------------

    يخرب عقولكو انتو الاتنين انت ... وفاروق جويدة ... أنا ناقصة وجع قلب انا عايشة في الغياب عن حبيبي

    ردحذف
  7. Mai Sawan (Egypt) wrote
    at 3:39pm on October 29th, 2008
    انه نوع اخر من المشاعر
    لا يعرفها الا من استطاع ان يحياها
    لا يفهمها الا من استطاع ان يعى معنى
    ان يغيب عنك انسان
    فتفتقدة روحك
    ويشتاقه عقلك
    ويحن اليه قلبك
    وتبحث عنه دموعك
    لتتحرر من اسرها
    مها بجد ارحمني
    تحفة و حلوة و مش عارفة اقول ايه تاني غير اني ممكن اروح اقولوا وحشتني ههههههههههههههههههههه

    ردحذف
  8. Noha Essmat wrote
    at 4:33pm on October 29th, 2008
    طيب مى هتروح تقول له"وحشتنى".. ينفع انا بقى أروح أقول له "يخرب بيت كده بجد"؟؟؟:)هههههههههههههه
    (على فكرة اللى عارفيننى فاهمين يعنى ايه يخرب بيت كده بجد)

    كلام جد بقى .. أنا لو قابلت حد كده وحصلت بيننا الحالة اللى مها اتكلمت عنها دى واللى خلود عبرت عنها و قالت انه يبقى
    THE OTHER ME
    عمرى ما أحتاج أقول له "يخرب بيت كده بجد"..عشان عمرى مايغيب عنى ولا أنا أبدا أغيب عنه مهما حصل
    وكفاية أوى ان انا جربت حالة جميلة فيه ناس بتعيش وتموت ومايجربوهاش ولا يعرفوها ولا يسمعوا عنها ولا حتى يفهموها

    ويكفينى أنه قد عبر يوماً ما بين ضفتى عمرى.. وأنا كمان عبرت طبعا:)ههههههههه

    ردحذف
  9. Maha El-Abbasi wrote
    at 4:43pm on October 29th, 2008

    وكفاية أوى ان انا جربت حالة جميلة فيه ناس بتعيش وتموت ومايجربوهاش ولا يعرفوها ولا يسمعوا عنها ولا حتى يفهموها
    =================================
    صح يانهى
    فعلا كفايه اننا عشنا تجربه نادر جدا انها تتعاش فى زمن طيبة القلب بتتعيب
    ==========================
    مى لو تقدرى تروحى تقوليلوا
    وحشتنى
    روحى متتردديش لانه اكيد هايكون محتاج يسمعها منك
    زى ماانتى محتاجه تقوليهالو
    ============================
    ايمان
    قالت اجابه جديدة
    الحبيب
    ================
    ندى
    شكرا لاهتمامك

    ردحذف
  10. Rose Sabet (Egypt) wrote
    at 4:43pm on October 29th, 2008
    اوووووووف
    معني ان اشتاقه حتي الوجع !!

    ردحذف
  11. Naglaa Elabassiry (Jonesboro, AR) wrote
    at 11:26pm on October 29th, 2008
    المشكلة الكبرى انك تحس كده ناحية حد
    هو مش حاسس ده
    يا نهارى ع الكلام والتعبيرات
    والاسى اللى ممكن الانسان يكون فيه لو حس كل الحاجات دى
    واللى قدامه محسهاش
    انتى وجعتينى
    كتر خيرك

    ردحذف
  12. Mohammad Hwehy wrote
    at 7:20am on October 30th, 2008
    هي اجابه واحده بس يا مها عن الاسئله دي كلها

    انه يكون استلف تلاتين جنيه ولسه ما رجعهمش

    ============================
    Mohammad Hwehy wrote
    at 7:23am on October 30th, 2008
    بس يانهاري بقي لو هو مش واخد باله انه استلف تلاتين جنيه
    تبقي مشكله

    ==================================
    Amira Abdalla (Egypt) wrote
    at 9:02am on October 30th, 2008
    بصرف النظر عن ماقاله خالد الذكر الاستاذ حويحي والتلاتين جنيه ........ بصرف النظر عن هذه الاجابه اللي تسقط نص الكوره الارضيه في الامتحان ... نرجع لمها !!!!!!!!!!

    ردحذف
  13. Amira Abdalla (Egypt) wrote
    at 9:11am on October 30th, 2008
    ياصديقتي ......... تظل الكلمات قاصره عاجزه عن التعبير دائما عن المشاعر والاحاسيس ... فانت تصفي رجلا حلم ... به اطياف الحلم التي تسعدك وانت نائمه .. رجلا منحك مالم ولن تمنحه لك الحياه ثانيه .. كآنه عبر لضفته حياتك معه الفرح طيور بيضاء والحنان فراشات ملونه والتواصل طائرات ورقيه محلقه في السماء عبر لضفه حياتك وهو يحمل مشاعره سكاكر عذبه وفاكهه مسكره تذوب في النفس فرحه وبهجه ... لكنه مجرد حلم لم تطآ قدمه الواقع اللعين لم يسير الا في خيالك ولم يعيش الا في نفسك ولم يبوح الا في طمآنينه التواصل ... هو رجلا حلم وليس حقيقه .. حتي لو كان انسان من لحم ودم ... هو مجرد حلم عبر وغادر وترك اثره حنين يعرف انه سيبقي معك يونسك ويبدد وحشتك ...

    ردحذف
  14. Amira Abdalla (Egypt) wrote
    at 9:11am on October 30th, 2008
    انه ليس حبيب فالاحبه تبرد نيران اشواقهم بعد فتره مها بعدت وليس صديق فالصديق لا يقتلع قلبك من مكانه مثلما تحسي وليس هو الاخر الذي هو انت لانك موجوده مع نفسك لا تؤنسيها مثلما كان يؤنسك ... انه حلم ياصديقيتي خيم بالوانه فوق نفسك ثم رحل وترك كل اسئلتك بلا اجابات ... انصحك نصيحه لوجه الله ... لا تناديه فقد يآتي رجلا بلا حلم فتفيقي من احاسيسك الجميله علي واقع واقعي بلا جمال بلا خيال بلا الوان فتخسري كل هذه المشاعر ... لا تناديه ياصديقتي وعيشي معه الحلم الذي تركه لك عامدا متعمدا فهي اجمل صوره ...

    ردحذف
  15. Kholoud ElSayed (Egypt) wrote
    at 10:55am on October 30th, 2008
    مش عارفة اعلق على اللى كتبتيه يا مها
    ولا على تعليق أميرة
    أميرة تعليقك اكتر من رائع وقلتى كلام يمكن محدش عرف يعبر عنه

    هو فعلا حلم

    ردحذف
  16. Maha El-Abbasi wrote
    at 10:56am on October 30th, 2008
    على فكرة يامرمر انا مقتنعه جدا بكلامك
    بس كفايه اوى
    انه كان حقيقه مش حلم-حتى لو كان مفضلش كتير
    بس كان حقيق

    ردحذف
  17. Maha El-Abbasi wrote
    at 3:24pm on October 30th, 2008
    اميرة
    بجد كلامك مش عارفه اقولك ايه
    يمكن من الصبح كل شويه اجى هنا واقرا الكلام بتاعك وامشى تانى
    كلامك جميل بجد
    ومن المؤكد انه لو اعادته الايام لن يكون هو من رحل فالاكيد ان السنوات والايام قد وضعت بصمتها على تلك الروح الشفافه

    ردحذف
  18. Abdelrhman Alkhedr at 1:53pm October 30, 2008
    هههههههههه

    جميل أوى .. ضيفى كمان لسيل المشاعر ده احساس كمان .. و هو ان الانسان ده بقى ملك ( بكل معانى كلمة ملكيه ) لشخص تانى .. بقى ملك لحد تانى هو اللى بياخد كل اللى بتحلمى بيه ده لمجرد ان ده بقى حقه الطبيعى

    و احساس كمان .. ان الانسان اللى بتشتاقيله ده لسه فاكرك مش ناسيكى و هو كمان لسه بيعانى نفس احساسك... Read More

    ايه رأيك بقى ؟ و المطلوب مننا بعد كل ده اننا نعلق كل المصايب دى على شماعه اسمها النصيب و الظروف و نقعد نشتم فى الدنيا و عمايلها السوده معانا

    الحمد لله

    ردحذف
  19. صراحه انا كسلت قوي اني اقرا الكلام كله
    بس وقف قدام نهي كتير قوي
    قدام الحته اللي قالت فيها


    كلام جد بقى .. أنا لو قابلت حد كده وحصلت بيننا الحالة اللى مها اتكلمت عنها دى واللى خلود عبرت عنها و قالت انه يبقى
    THE OTHER ME
    عمرى ما أحتاج أقول له "يخرب بيت كده بجد"..عشان عمرى مايغيب عنى ولا أنا أبدا أغيب عنه مهما حصل


    متهيالي الايام اثبتت ان نهي لما قالت الجمله الاخيره دي كانت صح قوي
    the other me
    مابيبيعد حتي لو بعد

    مش عارف اي اللي خلاني اعلق هنا ولا ايه الحكايه
    بس اهو بقي وخلاص

    ردحذف