07‏/11‏/2008

احاسيس شفافه

هناك دائما أحاسيس خاصة جدا تسكننا، وتحتل كل كياننا، قد تكون تلك الأحاسيس لامرأة أو لرجل، نشعر نحوهم بنوع من أنواع الألفة
إنها في الأغلب لإنسان حتى لو لم نكن نعرفه معرفه كأمله، ولكن هناك شيئا ما يجذبك إليه، يجعلك تعشقه وتسمح له بالتسلل في حياتك بهدوء، في بعض الأحيان ترى فيه الحياة التي كنت تتمنى أن تحيياها، وفى بعض الأحيان ترى فيه الجانب الأخر منك، تندمج مع تلك النفس، ويصبح بينكم نوع من أنواع التواصل والاحتياج لوجود كل منكم في حياه الأخر
تحاول أن تضع لتلك العلاقة مسميات، إلا انك لا تجد، فأنت لا تشعر بأي إحساس مادي اتجاهها، إنها مشاعر شفافة راقيه لا مسمى لها
تعلن عن وجودها مهما حاولنا أن نخفيها، مشاعر تتجسد في لحظه تشعر فيها بشيء ما يجتاحك، يسيطر عليك، لحظه يهفوا فيها قلبك لإنسان دون أن تعرف لماذا روحك تناديه؟ وتكتشف انه كان يحتاج إليك في تلك أللحظه، إنها أحاسيس تدق على باب بعض القلوب، وتدخل حياة بعض الناس، والبعض الأخر يحيا ويموت دون أن يشعر بتلك السكينة و الشفافية في التعامل مع البشر، مشاعر تشفى القلوب لا تشقيها، تعطيها لا تؤذيها، إنها شيء خاص جدا
بذرة لا تعلم من وضعها بقلبك ولا تعرف كيف بدأت تنموا، ولا متى كبرت، ولا من رواها لتنموا
انه إنسان لا تتعمد اختياره، تجمعك به الأقدار وتجعل منه جزء من وجودك، يضع بذرة أحاسيس بداخلك، تتملكك للأبد، إنها نعمه من الله لا يفهمها إلا إنسان
تشعر بالأمان لان هذا الإنسان معك بروحه، تسمع صدى كلماته يتردد بين جدران حياتك، تتعرف عليه بإحساسك الداخلي رغم اللحظات القليلة التي أمضاها معك
تشعر بأنك تعرفه أكثر من أي إنسان أخر، ويبقى دائما الحديث بينكم مفتوح مهما كانت المسافات، تشعر بالقرب منه وتتساءل
لماذا؟ وكيف؟ ولا تجد الإجابة
فهو إنسان وكفى، شيء أروع و ابسط و أعمق من أن يوصف، أو توضع له مسميات، إنها أحاسيس شفافة، دائما ما تكون متبادلة متى شعرت بتلك الأحاسيس اتجاه إنسان ستجده يبادلك إياها، إنها علاقة بلا غاية، بلا أسباب، بلا مبررات
إنها الصداقة بلا نهاية، إنها أنت

هناك 24 تعليقًا:

  1. Noha Kamal Aly wrote
    at 1:28pm on October 13th, 2008
    بلا نهاية؟؟؟؟؟؟؟؟؟؟؟

    طيب

    ردحذف
  2. Maha El-Abbasi wrote
    at 1:29pm on October 13th, 2008
    !!!!!!!!!!!!!!!!!!!!!!!!!!!!
    ???????????????????

    ردحذف
  3. Noha Kamal Aly wrote
    at 1:54pm on October 13th, 2008
    معلش استحملينى بقى
    أصل دمى بيبقى تقيل موووووووووووووت من البروفيل ده

    مفيش حاجة بلا نهاية يامها
    حتى الصداقة ليها يوم وتنتهى
    بس الأمل الوحيد انها لما تنتهى تنتهى بطريقة كويسة
    قصدى ان الظروف والوقت بيبعدوا الناس عن بعض
    بس ياريت لما يبعدوا تفضل الصورة اللى متشالة فى القلب والعقل زى ماهى
    ماتنتهيش بغدر ولا خيانة ولا تجريح ولا كدب ولا غش ولا نكران ولا ندالة ولا وطينة
    حلوة وطينة دى.. مش كده؟؟
    لوووووووووووول
    ههههههههههههههههههههههههههههههه

    ردحذف
  4. Maha El-Abbasi wrote
    at 1:57pm on October 13th, 2008
    طيب ماهى لو نتهت من غير كل الى بتقوليه دة تبقى بلا نهايه

    ردحذف
  5. Noha Kamal Aly wrote
    at 2:03pm on October 13th, 2008
    ما اختلفناش
    بس انتى بتقولى انتهت وبلا نهاية فى جملة واحدة ازاى؟؟؟

    انتهت يعنى صديقى مابقاش جنبى
    هكلم روحى انا يعنى ؟؟؟؟

    وبلا نهاية يعنى موجودة لسه الذكرى بتاعتها
    بفتكرها بابتسم واتبسط انها كانت واقع فى يوم من الايام
    بس برضه هفتكر انى دلوقتى لوحدى وان الصديق راح

    يبقى ايه العمل فى الوقت ده ياصديق؟؟؟؟؟؟؟؟؟؟

    ردحذف
  6. Maha El-Abbasi wrote
    at 2:07pm on October 13th, 2008

    نبص قدامنا

    على شمس أحلامنا

    نلقاها بتشق السحاب الغميق
    =====================
    ونحاول نجتاز لحظات الحنين

    ردحذف
  7. Mohammad Mahmoud wrote
    at 2:11pm on October 13th, 2008
    الاحتياج لوجود كل منكم فى حياه الاخر........ .روحك تناديه وتكتشف انه كان يحتاج اليك فى تلك اللحظه

    طب لو اكتشفت انه انا بس اللي في احتياج اليه ؟؟؟

    هو انا ممكن اكون في علاقه بالجامد قوي مع حد هو مش في نفس العلاقه دي

    ردحذف
  8. Maha El-Abbasi wrote
    at 2:19pm on October 13th, 2008
    العلاقات من النوع دة لازم بتكون متبادله انا مقدرش اوصل للدرجه العاليه من الاحساس والشفافيه بانسان الا اذا كان الانسان دة حاسس بيا هو كمان
    ولو محسش بيا تبقى الاشاره كاذبه
    لو فعلا الاحاسيس دى صادقه هايشعر بيك من طريقه كلامك من صوتك من تعبير بسيط منك
    ===============================

    ردحذف
  9. Naglaa Elabassiry (Jonesboro, AR) wrote
    at 3:05pm on October 13th, 2008
    يا مها حرام عليكى
    هو انا ياربى ناقصة
    مش وقته خالص بصراحه
    انا ليا تعليق قد كده بس بعدين
    انا بس حبيت اوقولك مبدئيا كده حرام عليكى انا اتسويت على نار هادية

    ردحذف
  10. Mohammad Mahmoud wrote
    at 3:06pm on October 13th, 2008
    يا استاذه نجلاء
    اسمها

    منك لله يا مها

    اه والله

    ردحذف
  11. Naglaa Elabassiry (Jonesboro, AR) wrote
    at 3:19pm on October 13th, 2008
    انا مع نهى فى كل كلمة
    معلش يا مها انتى عارفة اللى فيها يا حبيبتى
    وعارفة انها ساعات بتنتهى بطريقة تتمنى بيها ان الصداقة دى لم تكن من الاساس
    هقولك ايه
    بجد
    خلص الكلام

    ردحذف
  12. Enas Nageh (Egypt) wrote
    at 11:49pm on October 13th, 2008
    بجد يا مهي انتي بتتكلمي علي احساس حقيقي اوي اوووووووي بس زي ما نهنوهتي بتقوول ان الاحساس ده ممكن يكون له نهايه لاني حاسيته من قريب حتي نهي علقت عليه وقالتلي كفايه ان كنتي مبسوطه وعرفت منها ان فيه نهايه لكل شيء بس المهم انها تكون بس المهم انها تكون سايبه زكري جميله........وعلي فكره بقي يا مها انتي كاتبه معاني جميله اوي بحسها بس مش بعرف اعبر عنها زيك كده ف مرسي انك كتبتي اللي بحس بيه...:):)
    ويابت يا نهنوهتي....تصدقي انا قلت مين نهي كمال ديه وبعدين واخده ليه صورة نهنوهتي...وطلعتي انتي يا نهنوهتي

    ردحذف
  13. Naglaa Elabassiry (Jonesboro, AR) wrote
    at 12:15am on October 14th, 2008
    المؤسف جدا انك فى الاخر تطلعى بذكرى تعذبك وتقولك انك كنتى عبيطة
    وان حتى الاحساس اللى انتى كنتى فاكرة انه شفاف وحقيقى ورائع وممتع
    طلع مزيف
    وانك فعلا مبتعرفيش تحكمى على احساس الناس كويس
    وكمان تبداى تشكى فى حكمك على الامور
    والشك يملاكى حتى من ناحية احساسك
    ما هو خاب قبل كده مع انك كنتى حاسه اوى ومصدقة
    وكل اللى يفضلك هو شوية الخوف اللى زادوا عن قبل كده بكتير
    وتقريبا قربوا يبقوا فوبيا
    تحرمك من متعة دخول ناس جديدة حياتك وان علاقتك تتطور بحد
    ماانتى اتخدعتى قبل كده وفى ايه فى احساسك انتى قبل اى حاجة

    ردحذف
  14. Amira Abdalla (Egypt) wrote
    at 1:33am on October 14th, 2008
    يامها ......... يامها ... قريت مشاعرك وحاعلق كتير قوي بس بكره الصبح او متآخر خالص .. يابركان المشاعر الفياضه ياحمي الاحاسيس

    ردحذف
  15. Amira Abdalla (Egypt) wrote
    at 2:18am on October 14th, 2008
    لا تمنحنا الحياه ما نرغب فيه في الوقت الذي نريده ولا بالكيفيه التي نريدها .. قد يظهر هذا الصديق في حياتك في وقت خاطىء فتحسه تجاهه ماتحسه وانت لاتملك التعبير حتي عن احاسيسك لنفسك قد يآتي مبكرا فلا تعرف قيمه في حياتك حتي يغيب وقد يآتي متآخرا بعد ان تكون الجروح مزقت قلبك وامانك وقد يآتي فترتبك من مشاعرك لانك لاتفهمها وحين تفهمها يكون الوقت قد ضاع ومر ... اوافقك تماما ان المشاعر الشفافه نعمه من الخالق لا يهبها الا لمن يحبهم ويكشف ستر المشاعر امامهم وبينهم .. لكن المشاعر الشفافه احيانا تكون كفتات الزجاج شفافه لامعه لا تعرف قدر حده انصالها الا بعد ان تمزق نفسك فالمشاعر الشفافه التي لاتعاش توجع المشاعر التي لا تجد فرصه للتعبير عنها تتحول لهم علي القلب يذكرك طيله الوقت باخفاقاتك في التواصل مع انسان يستحق التواصل

    ردحذف
  16. Amira Abdalla (Egypt) wrote
    at 2:24am on October 14th, 2008
    ليه يانها ..... الصداقه لازم تنتهي ..... الصداقه هي العلاقه الوحيده الامنه التي تدخلها وانت لا تتصور نهايتها ... تدخلها وانت مطمئن للصديق الذي سعي او قبل او توافق مع صداقتك .. الصداقه يجب الا تنتهي ولاتعيش لحظاتها بقلق وتوجس انتظار النهايه .. هل معني هذا انها لا تنتهي .. قد تنتهي بجرح موجع وقد تنتهي بتجاهل مزعج وقد تنتهي باسئله بغير اجابات وقد تترك حيره لا تبددها الايام وقد تذوب كالثلوج في الايام الحاره ولاتترك اثرا الا ماءا تبخره الحراره اللاسعه ... نحن ندخل صداقتنا بامل ان تدوم ونحزن عندما لا تدوم ولا نتمني الا ان تدوم ونظل نلعق جروحنا الموجعه لانها لم تدوم !!!!!!

    ردحذف
  17. Amira Abdalla (Egypt) wrote
    at 2:26am on October 14th, 2008
    وبعدين مها ونها ...... منكم لله وربنا يرحم حلمي صديقي الجميل الذي عشت معه اجمل واحن واعذب المشاعر الشفافه لكنه تركني ورحل ولم يضع نهايه العلاقه بيننا لكن القدر وضعها فاخرج حلمي من حياتي الواقعيه وابقاه حيا في ذاكرتي لم يموت ابدا ... منكم لله ياولاد اللذين

    ردحذف
  18. Mohammad Anwar Kamel (Egypt) wrote
    at 3:36am on October 14th, 2008
    لأه ..

    ردحذف
  19. Maha El-Abbasi wrote
    at 7:01am on October 14th, 2008
    نوجاصديقتى الروحيه
    انا هاقولك حاجه بسيطه انا فى وقت من الاوقات من سنوات طويله كنت اعرف بنت اعتقدت فى وقتها انها صديقتى وكانت تجيد فن التمثيل وكانت بوصلتى مشوشه بسبب ظروف كنت امر بها واكتشفت فيما بعد انها كانتت تتلذذ بمتعه احتياجى وضعفى وعدم مقدرتى عن الاستغناء عنها.كانت قريبه جدا منى حتى تاكدت من اننى ماعدت استطيع ان اتكلم مع سوها بدات تبتعد وترفع شعارات كثيرة وشعرت انها تتلذذ بحزنى من ابتعادها ومحاولاتى للفهم واستبقائها الى جوارى
    تلك لم تكن اشاره رغم انه قد تهئ لى انها تلك المشاعر الراقيه
    ولكنها كانت لحظه ضعف منى ظروف كنت احتاج فيها لالتقاط اى اشارة

    ردحذف
  20. Maha El-Abbasi wrote
    at 7:08am on October 14th, 2008
    2
    معلش يانوجا
    وبعدها تعلمت كيف استطيع التميز بين الاشارات
    واجدت قرائه البوصله مع مايحيط بها من اشياء قد تؤثر على الاشاره
    والحمدالله.اجدت التقاط وارسال الاشاره التى كانت تاتى وترسل تلقائيا فليس هناك فائدة من اشارة ترسل بلا مستقبل او يتم استقبالها عن طريق الخطأ
    تلك المشاعر لو صادقه لن تجذب الا ماهو لها
    فالمغناطيس لا يجذب اى معدن اخر الا الحديد
    ولكن مغناطيس تلك المشاعر لا يجذب الا الذهب

    ردحذف
  21. Maha El-Abbasi wrote
    at 7:12am on October 14th, 2008
    مرمر صديقتى الجميله
    فعلا تلك المشاعر نعمه من الله
    ممكن صحيح تاتى فى وقت لانكون فيه بالنضج الكامل للفهمها
    ولكن مع الخبرة نبدا نتفهم مايحدث واذا جائت والقلب مثقل بالهموم والجروح فهى ستكون كالترياق الذى يداوى كل تلك الجروح
    وشكرا جدا لردك على نهى اصلها وجعت قلبى النهاردة

    ردحذف
  22. Noha Essmat wrote
    at 9:04am on October 14th, 2008
    نجلاء.. أميرة... مها
    كلكو عليااا ولا اييييه؟؟؟
    هههههههههههههههههههههههههه

    أولا بس عايزة اعرف نجلاء جابت حكاية الفوبيا دى منين.. انتى مراقبانى؟؟؟
    ههههههههههههههههههههههههه
    أصلى بجد يانجلاء حسيت ان ردك موجه تحديدا ليا انا شخصيا
    بس احب اطمنك .. مهما باخد طعنات وضربات تاريخية من الاصدقاء((وتقريبا كده عمرى فى حياتى ماخدت ضربات تاريخية الا من الناس اللى المفروض كان يطلق عليهم مصطلح صديق)).. مهما خدتها عمرى مابتقلب معايا بفوبيا مع ان انا بطلة العالم فى الفوبيا واسألى مها وايناس واميرة يقولولك:)ههههههههههه

    مش عشان الصديق طلع غدار ومزيف يبقى انا احساسى غلط واتعقد بقى من نفسى وافضل اقول ليه وازاى وعشان ايه
    زى مثلا كده لو واحد جه ضرب واحد بالقفا
    مش معنى كده ان اللى اتضرب بالقفا ده شخص مهزء .. لا ده اللى ضربه هو اللى قليل أدب مش متربى
    هههههههههههههههههههههه

    يعنى عمر ماحد قدر يخلينى أشك فى أحاسيسى ابدا مهما حصل
    وغالبا بتبقى الاحاسيس دى فعلا كانت شفافة وحقيقية مع الصديق ده فعلا فى فترة من الفترات
    بس هنعمل ايه؟؟... الغدر والندالة ياعزيزى أيبك هى آفة بعض المنتمين للجنس البشرى:)

    ردحذف
  23. Eng. Chitos (Egypt) wrote
    at 10:39pm on October 15th, 2008
    تحاول ان تضع لتلك العلاقه مسميات الا انك لا تجدفانت لا تشعر باى احساس مادى اتجاهها
    انها مشاعر شفافه راقيه لا مسمى لها
    تعلن عن وجودها مهما حاولنا ان نخفيها
    ::::::::::::::::::::::::::::::::::::::::::::::::::::::::::::::::::::::::::::::::::::::::
    مها بجد دا احساس الصداقه فعلا
    حاجه بتجرى جواك كده وانت ولاعارف جت امتى ولا ازاى و بالسرعه دى بقت كده
    بجد اد ايه المشاعر و الاحاسيس الشفافه دى بتكون حاجه جميله جدا
    بس..لما تتعاش
    و اد ايه بتكون ذكريات جميله جدا اذا حصل و انتهت
    بس انا متهيالى مفيش نهايه لصداقه
    هى بتكون انعزال او نسيان بس عمرها ماتكون نهايه الل لو ده مكنش صديق صديق من البدايه
    :::::::::::::::::::::::::::::::::::::::::::::::::::::::::::::::::::::::::::::::::::::::::
    طولت عليكى يا مها بس بجد مازلت و هتفضلى صاحبة اجمل و اعلى و اصدق احساس

    تحياتى

    ردحذف
  24. Maha El-Abbasi wrote
    at 10:58pm on October 15th, 2008
    وانت احلى اخ وصديق يااسلام

    ردحذف